Jaŋa 2023-2024 oqu jyly 25 mamyrda aiaqtalady. Oqu jylynyŋ 34 aptaǧa deiın qysqaruyna bailanysty mektepke deiıngı tärbie jäne oqytu, orta bılım beru ūiymdarynda üş auysymdyq oqytu rejimınde jūmys ısteitın jäne oquşy oryndary tapşylyǧy bar, tehnikalyq jäne käsıptık, orta bılımnen keiıngı bılım beru ūiymdarynan basqa bılım ordalary üşın bes kündık jūmys aptasy belgılenedı.
Biyl 1 qyrküiekten bastap barlyq bılım beru ūiymdarynda Ata-analardy pedagogikalyq qoldau ortalyǧy (Ata-analar akademiiasy) jūmysyn bastaidy.
16 300 oryndyq 11 mektep salynuda, oqu jylynyŋ basynda 4 mektep tapsyrylady.
Bügınde elordada 169 mektep jūmys ısteidı (onyŋ ışınde 101 – memlekettık, 61 – jekemenşık, 7 – respublikalyq mektep). 2023-2024 oqu jylynda bılım aluşylar sany şamamen 255 myŋ bılım aluşyny qūraidy. 1 qyrküiekte 27 myŋǧa juyq bala mektep tabaldyryǧyn attaidy. Biyl 800 myŋnan astam oqulyq pen 60 myŋnan astam körkem ädebiet satyp alyndy.
Bırınşı synypqa qabyldanǧan balalardy beiımdeu maqsatynda 78 memlekettık mektepte qysqa merzımdı «Balaqailar mektebı» (4229 bala) aşyldy. Jazǧy demalystan keiın oquşylar men ata-analardy beiımdeu maqsatynda tamyz aiynda «Adaptation days» jobasy bastaldy.
Bılım aluşylar sanynyŋ artuyna, sondai-aq «Jaily mektep» ūlttyq jobasy şeŋberınde salynatyn 90 myŋ oryndyq 24 mekteptıŋ qūrylysyna bailanysty qalamyzda 2026-2027 oqu jylyna qarai 4 myŋ pedagogqa qajettılık tuyndaidy.
Jaŋa oqu jylyna daiyndyǧy tekserıldı
Astana qalasy Bılım basqarmasynyŋ basşysy Qasymhan Senǧazyev №59 mektep-liseiıne bardy. Arnaiy bastauyş synyp oquşylary üşın salynǧan qosymşa ǧimarattyŋ qūrylysy 9 ai boiy jürgızılgen. Ǧimaratta är synyp tolyq jabdyqtalyp, balalarǧa jaily jaǧdai jasalǧan.
Basqarma basşysy Qasymhan Senǧazyevtyŋ sözıne qaraǧanda, №59 mektep-liseiı osy uaqytqa deiın üş auysymdaǧy mektepterdıŋ qatarynda bolǧan.
– Būl mektep osyǧan deiın üş auysymdy mektep boldy. Janyna qosymşa ǧimarat salynǧan soŋ mäsele şeşıldı. Özderıŋız körıp otyrǧandai, mūnda tek bastauyş synyp oquşylary bılım alady. Kezınde bır synypta 35-37 bala otyrsa, jaŋa oqu jylynan bastap 25-28 oquşyǧa deiın otyrady. Qazır qalada 14 mekteptıŋ qūrylysy jürıp jatyr. Onyŋ ışınde 4 mektep jaŋa oqu jylynda aşylady. Odan bölek, «Jaily mektep» baǧdarlamasy boiynşa 24 mekteptıŋ qūrylysy bastaluda. Bügınde mektepterdegı oryn tapşylyǧy 26 myŋdy qūrap otyr. Ekı-üş jyldyŋ ışınde üş auysymdy 8 mektep pen oquşy sany şamadan tys 18 mekteptıŋ mäselesı tolyǧymen şeşıletın bolady, – dedı ol.
Atalmyş bılım ordasynda 4600 oquşy bar. Onyŋ ışınde 500 büldırşın 1 qyrküiekte mektep tabaldyryǧyn attaidy. Jaratylystanu-matematikalyq baǧyttaǧy bılım oşaǧynda mūǧalım tapşylyǧy joq, barlyǧy 230 ūstaz qyzmet etedı.
Bügınde elordada mektepterdıŋ barlyǧy jaŋa oqu jylyna 100 paiyz daiyn. Olar bırınşı kategoriialy lisenziialanǧan küzet firmalarymen kelısımşart jasap, beinebaqylau kameralarymen tolyq jabdyqtalǧan. Basqarma basşysynyŋ mälımetınşe, bastauyş synyp oquşylary ystyq tamaqpen qamtamasyz etıledı.
– Biyl jazda barlyq mektepterge bıryŋǧai as mäzırı men olardy daiyndau tehnologiiasy boiynşa tızım jasaldy. Bastauyş synyp oquşylary ystyq tamaqpen tolyq qamtamasyz etıledı. Sondai-aq, äleumettık az qamtylǧan 5-11 synyp oquşylary üşın de tegın tamaq berıledı. Odan bölek, biyl qalaǧa 800 myŋnan astam oqulyq pen 60 myŋnan astam körkem ädebiet satyp alyndy. Mektepter 100 paiyz oqulyqtarmen ädıstemelık qūraldarmen qamtylǧan, – dedı basqarma basşysy.
Ärı qarai basqarma basşysy № 96 mektep-gimnaziianyŋ jaŋa oqu jylyna daiyndyǧymen tanysty. Jaŋadan salynǧan bılım nysany bır auysymda 1200 balany qabyldaidy. Mektepte mamandandyrylǧan pändık synyptar, robototehnika jäne STEM, inkliuziiany qoldau kabinetterı bar. Sondai-aq, käsıptık daiyndyq synyby, kıtaphana men sportzal bar. Merekelık ıs-şaralar ötetın akt zaly da keŋ. Mektep ashanasy 400 balaǧa arnalǧan.
Qanşa mektep salynady?
Elordada 14 mektep salynyp jatyr, onyŋ 11-ı aldaǧy oqu jylynda tapsyrylsa, törteuı 1 qyrküiekte esıgın aiqara aşpaq. Sonymen qatar, Memleket basşysynyŋ tapsyrmasy boiynşa jaily mektepterdıŋ qūrylysy qatar bastaldy. Osy ūlttyq joba boiynşa 2024-2025 jyldary 24 jaily mektep salynady. Jaŋa ülgıdegı bılım oşaqtary ekı auysymda 90 myŋǧa juyq oquşy ornyn qūruǧa mümkındık beredı.
«Astanada jaŋa oqu jylynda jalpy sany 16 myŋ 600 oquşyǧa arnalǧan 11 mektep aşamyz. Olardyŋ 4-euı esıgın aiqara aşty. Oqu-aǧartu ministrı Ǧani Beisembaevpen bırge bırqatar memlekettık jäne jeke mektepterdı araladyq» dedı Astana qalasynyŋ äkımı Jeŋıs Qasymbek.
Mäselen qoldanystaǧy №59 mektep-liseiınıŋ aumaǧynda 1200 oquşyǧa arnalǧan ǧimarat (2 auysymdy) salyndy. Oqu orny Esıl audanynda (Sauran köşesı, 5/1) ornalasqan. 5 jyldan berı būl mektepte oqytu jüiesı üş auysymdy bolyp keldı. Jaŋa korpusty salu esebınen üş auysymdy oqytu mäselesı şeşıldı.
– Sol siiaqty №55 orta mektepke bardyq. Mūnda kürdelı jöndeu jäne abattandyru jūmysy jürgızıldı. Qala boiynşa barlyǧy 50-ge juyq bılım beru nysanynda (mektepter, balabaqşalar, kolledjder) kürdelı jäne aǧymdaǧy jöndeu jürgızıldı. Sonymen qatar Memleket basşysynyŋ tapsyrmasy boiynşa «Jaily mektep» ūlttyq jobasy aiasynda 2024-2025 jyldary taǧy 24 mektep salynady. Jaŋa formattaǧy mektepter 90 myŋǧa juyq oquşy ornyn (2 auysymdy) aşuǧa mümkındık beredı. Mektepterdıŋ qūrylysyna jeke investisiialar da tartylyp jatyr. Sonymen, jaŋa oqu jylynyŋ basynda bırqatar bılım oşaqtary, onyŋ ışınde «Spectrum», «Riviera International School by Quantum» halyqaralyq mektepterı esıgın aiqara aşty, – dedı qala äkımı öz sözınde.
Mūǧalımderdı qoldau qalai?
Sapaly bılım, sanaly ūlt, bılıktı jas tärbieleu üşın pedagog kadrlardy daiarlau maŋyzdy. Kadr tapşylyǧyn şeşu maqsatynda jyl saiyn jergılıktı biudjet esebınen pedagogikalyq mamandyqtarǧa memlekettık tapsyrys ūlǧaiuda. Bügıngı taŋda memlekettık bılım beru granty boiynşa 4 myŋnan astam student bılım aluda. Bıraq būl bızdıŋ kadrlarǧa degen qajettılıgımızdı tolyǧymen şeşpeidı. Osyǧan bailanysty Ǧylym jäne joǧary bılım ministrlıgı men qala äkımdıgı bırlesıp, elordalyq pedagogikalyq universitetın aşuǧa bastamaşylyq jasap otyr. Pedagogterdıŋ şyǧarmaşylyq äleuetın, olardyŋ käsıbi deŋgeiı men qūzyretterın damytu üşın joǧary oqu oryndarynda pedagogikalyq kadrlardy daiarlau ǧana emes, sondai-aq jūmys ıstep jatqan pedagogtardyŋ käsıbi ösuı de maŋyzdy.
Tek qaŋtar men tamyz aralyǧynda 3 754 pedagog pen 42 mektep direktory bılıktılıktı arttyru kurstarynan öttı. Jyl saiyn pedagogikalyq mamandyqtarǧa granttar bölınıp, ūstazdar bılıktılıgın arttyruǧa oquǧa jıberıledı, sondai-aq Prezidenttıŋ qoldauynyŋ arqasynda pedagogtardyŋ jalaqysy da edäuır artty. Ärine, mūnymen mūǧalımnıŋ eŋbegıne tolyq baǧa beru mümkın emes. Olar balalarymyzǧa bılım berıp qana qoimai, äleuetın aşuǧa, erekşe qasietterın anyqtauǧa jäne baǧyt-baǧdar beruge kömektesedı. Bolaşaq ǧasyrdyŋ tūlǧasyn qalyptastyruda oǧan qajettı daǧdylardy qalyptastyruǧa qyzmet etu – kez kelgen mūǧalımnıŋ, ūstazdyŋ basty mındetı, maqsaty boluy kerek. Osy rette qala äkımdıgınıŋ, Bılım basqarmasynyŋ elordalyq ūstazdardy qoldaudyŋ eŋ üzdık modelın körsetıp otyrǧandyǧyn airyqşa aitu qajet.
