Tūrǧyn üi-kommunaldyq şaruaşylyq salasynda bolyp jatqan özgerıster qarapaiym päter ielerın qatty alaŋdatyp otyr. Kondominiumdy basqarudyŋ ädettegı nysandarynyŋ ornyna mülık ielerınıŋ bırlestıkterı qūryla bastaǧaly berı olardy tolǧandyrǧan sūraqtar az emes. AMANAT partiiasy Astana qalalyq filialy janyndaǧy partiialyq baqylau komissiiasy ötkızgen kezdesu barysynda däl osy mäseleler keŋınen söz boldy.
MİB töraǧalary men tūrǧyn üi ortalyǧynyŋ ökılderı qatysqan ıs-şara barysynda ortalyq mamandary tūrǧyn üi qatynastary jäne köppäterlı tūrǧyn üilerdı basqaru boiynşa negızgı sūraqtarǧa jauap berdı, sondai-aq qonaqtardy ortalyqtyŋ atqaryp jatqan jūmystarymen jäne aldaǧy josparlarymen tanystyrdy.
PİK pen MİB-tıŋ aiyrmaşylyǧy da, artyqşylyqtary bar. Kezdesuge qatysqandar osy mäselenı jan-jaqty talqylap, ıs-şara barysynda astanalyq MİB töraǧalary oŋ täjıribelerımen bölıstı.
Jalpy, bas qalada menşık ielerınıŋ ortalyǧy 2020 jyldan bastap jūmys ısteidı. Vedomstvo qala tūrǧyndaryna köppäterlı tūrǧyn üilerdı basqaru jäne kütıp ūstau boiynşa sūraqtarǧa jauap ızdeude jäne MİB qūru men tırkeu üşın qūjattardy daiyndauǧa kömek körsetedı. Sonymen qatar, kezdesude vedomstvo mamandary öz jūmystaryn «bır tereze» formatynda körsettı. Sonymen qatar, mülık ielerınıŋ jailylyq deŋgeiın arttyru üşın tūrǧyn üiler aumaǧynda kürdelı jöndeu jäne basqa da bırqatar ıs-şaralardy jürgızuge erekşe köŋıl bölınedı.
– Bız üşın, jalpy astanalyq MİB ortalyǧy üşın bügıngı ıs-şara öte ülken jäne maŋyzdy, öitkenı bız tym jas ūiymbyz. Soǧan qaramastan elımızde jürgızılıp jatqan reformany jüzege asyruǧa atsalysudamyz. Bızdıŋ mamandar bükıl qalaǧa öz nysandarynda MİB qūruǧa, qūjattardy daiyndauǧa jäne basqalarǧa kömektesedı. MİB ortalyǧynyŋ, tūrǧyn üi ortalyǧynyŋ jäne basqa da vedomstvolyq baǧynysty ūiymdardyŋ küşımen 1000-nan astam jinalys ötkızıldı. Bügıngı taŋda menşık ielerı bızdıŋ osy bazamyzdy paidalana alady. Sonymen bırge partiialyq baqylau komissiiasyna bız ekı jyl ışındegı jūmysymyzdyŋ nätijelerın tanystyrdyq, al eŋ bastysy, buhgalteriiany aşyq jürgızuge mümkındık beretın elektrondyq qūjattama engızılgen eŋ tabysty qalalyq MİB-terdıŋ töraǧalaryn ūsyndyq. Olardyŋ oqudan sättı ötıp, emtihan tapsyrǧanyn jäne endı tek töraǧa ǧana emes, basqaruşy da bola alatynyn atap ötkım keledı, – dedı Astana qalasyndaǧy MİB ortalyǧynyŋ jetekşısı Gülvira Äbetova.
Tūrǧyn üi-kommunaldyq şaruaşylyq reformasynyŋ basty maqsaty negızınde naqty köppäterlı tūrǧyn üidıŋ aqşa qarajatynyŋ qozǧalysy, iaǧni üi biudjetı boiynşa aşyq räsımderdı qūruǧa qol jetkızıletını turaly baiandai kele, MİB ortalyǧynyŋ jetekşısı osylaişa, qatysuşylar üşın üidı kütıp ūstau mäselesı de, sol siiaqty ärbır nysandy basqaru men oǧan satyp alynatyn materialdar men jūmsalatyn qarjy kölemı de aşyq bolatynyn aitty.
