Keşe elordada «Astana daryny» daryndy balalar men talantty jastardy anyqtau jäne qoldau ortalyǧynyŋ ūiymdastyruymen himiia jäne biologiia pänderı boiynşa 7-8 synyptar arasynda respublikalyq jasöspırımder olimpiadasy bastaldy. Olimpiada «Daryn» respublikalyq ǧylymi-praktikalyq ortalyǧynyŋ qoldauymen «ZERDE-LIDER» bılım beru ortalyǧymen bırlese ūiymdastyryldy.
Olimpiadanyŋ maqsaty – himiia, biologiia pänderın tereŋdetıp oquǧa oquşylardyŋ qyzyǧuşylyqtaryn arttyru, olimpiadalarǧa daiyndyq jüiesın joǧary deŋgeide jetıldıru jäne olimpiadalyq rezervtı qalyptastyru.
Bügıngı taŋda mektep oquşylary arasynda himiia-biologiialyq baǧyttaǧy pänderge qyzyǧuşylyq künnen-künge artuda. Qazırgı taŋda elımızdıŋ aldynda tūrǧan ǧylym, bılım, käsıbi kemeldenu älemındegı mäselelerdı şeşu üşın jas daryndardy qoldau qajet. Osyndai qoldaudy ekınşı jyl qatarynan qaiyrymdylyq qyzmetımen tanymal, Olimpiadanyŋ bas demeuşısı – älemdegı eŋ ırı mūnai kompaniiasy Exxon Mobil körsetıp keledı.
Teoriialyq jäne praktikalyq sekıldı ekı kezeŋnen tūratyn Olimpiadaǧa 171 oquşy qatysyp jatyr. Marapattau räsımı 28 säuırde «Duman» qonaq üiınde ötedı. Jeŋımpazdar men jüldegerler «Daryn» respublikalyq ǧylymi-praktikalyq ortalyǧynyŋ I, II jäne III därejelı diplomdarymen jäne gramotalarymen, sondai-aq Exxon Mobil demeuşı kompaniiasy ūsynǧan baǧaly syilyqtarmen marapattalady. Olimpiadanyŋ barlyq qatysuşylaryna sertifikattar tabystalady.
