2022 jyly para-hokkeiden Tailand astanasy Bangkokte ötken älem chempionatyna Qazaqstan komandasy qatysqan-dy. Osy hokkei ūjymy turaly qysqametrajdy film «Qazaqstan» jeŋılatletikalyq sport keşenınde tanystyryldy.
Älem chempionatyndaǧy alǧaşqy şaibany Tailand qaqpasyna kapitan Quat Kärıpbaev soqty.
– Älem chempionatynda Tailand qaqpasyna soqqan alǧaşqy şaibamnan alǧan äserım keremet. Bairaqty bäsekege qatysu üşın şanany öz qolymyzben jasap apardyq. Täjıribemız az bolsa da azuly qarsylastarmen deŋgeiles oinadyq. Demeuşılerdıŋ qoldauymen Kanadanyŋ zauytynan şyqqan şana aldyq. Küzde ötetın chempionatta tabysty öner körsetu üşın ter tögudemız, – dedı para-hokkeiden Qazaqstan qūramasynyŋ kapitany Q.Kärıpbaev.
Mügedektıgı bar adamdarǧa arnalǧan sporttyq daiarlau ortalyǧynyŋ direktory Meirambek Mahambetov, auyr atletikadan tört dürkın älem chempiony İlia İlin, «Beibarys» hokkei klubynyŋ prezidentı Bolat Buşanov arnaiy qatysty.
Qazan aiynda Qazaqstan qūramasy V divizionynyŋ oiyndaryn Astana qalasynda qabyldaidy. Qarsylasy – Şvesiia, Slovakiia, Japoniia jäne Ūlybritaniianyŋ qūrama komandasy.
– Bügıngı qysqametrajdy filmdı Qazaqstan ūlttyq qūramasyna kıretın para-hokkeişılerdıŋ özderı tüsırdı. Almatydan qalai ketkenı, Tailandtaǧy äserı, är oiyndy qalai ötkızgenı, lisenziia alǧan sättegı köŋıl-küiı jäne taǧy basqasy körınıs tapty.
Būl – para-hokkeidegı tarihi jetıstık. Nege? Sebebı, 2021 jyly ǧana qūrylǧan para-hokkei qūramasy älem chempionatynyŋ S divizionynda oinap qana qoimai, V ligasyna köterıledı dep kım oilady?! Onyŋ üstıne Qazaqstan komandasynyŋ müşelerı Astana qalasyn qūraldy, – dedı Qairat Sabirov.
Jalpy, qūramada 17 para-hokkeişı bar. Eŋ jasy – 18-de, eŋ egdesı – 53 jasta. Körsetılımnen keiın para-hokkeişıler älem chempionatyna daiyndyq retınde Reseidıŋ Tula oblysynan kelgen «Mihailov akademiiasy» klubymen şeberlık almasty.
