Elordada märtebelı merekemız – Rämızder künınde qala tūrǧyndary men qonaqtary üşın köptegen mädeni-taǧylymdy ıs-şara öttı. Astananyŋ ärbır audanynda, ärbır saiabaǧy men aulasynda konsertter, sport jarystary, balalarǧa arnalǧan oiyndar men baiqaular ūiymdastyryldy.
Kök tudy jelbıretken kölıkter
Astana qalasy äkımdıgınıŋ «Astana jastary» jastar resurstyq ortalyǧynyŋ ūiymdastyruymen kölıkter şeruı öttı. 40-qa juyq jeŋıl kölık pen 10 şaqty motosikl Qazaqstannyŋ memlekettık tuyn jelbıretıp, rämızder alaŋynan bastap Otan qorǧauşylar alaŋyna deiın bardy.
Būl şerude avtovolonterler «Lada Granta Astana», «Skoda Astana», «Camry family Astana» sekıldı markaly kölıkterdı tızgındedı. Solardyŋ bırı «Lada Granta» avtokölıgınıŋ ökılı Vera Kolodii mūndai avtokölık şeruıne ünemı qatysyp tūratynyn jetkızdı. Osylaişa ol qalada ötetın mädeni ıs-şaralarǧa ärdaiym qoldau körsetedı.
– Memlekettık rämızder – kez kelgen memlekettıŋ egemendıgı men bırtūtastyǧyn beineleitın ajyramas atributtyŋ bırı. Şeru kezınde qala tūrǧyndary men qonaqtary bızge nazar audarady ärı foto-videoǧa tüsıredı, – dedı ol.
Qala tūrǧyndary men qonaqtaryn merekemen Avtomoto federasiiasynyŋ prezidentı Anatolii Bondar qūttyqtady. Avtokölıktı tızgındeudı ūnatatyn azamattar bır mezette şeruge qatysyp, körermenderge keremet emosiia syilady. Jalpy kölıkter şeruı elordada 2017 jyldan bastap dästürlı türde ötkızılıp keledı.
Qala tūrǧyndary quandy
«Astana jastary» jastar resurstyq ortalyǧynyŋ volonterlerı balkondarǧa tu ılu chellendjın ūiymdastyrdy. Osy ıs-şara aiasynda elordada köpqabatty üilerdıŋ balkonyna 300-den astam tu ılındı.
Köpqabatty üilerdıŋ balkonyna tu ılu aksiiasy jyl saiyn elımızde 4 mausymda Memlekettık rämızder künı merekesıne arnalady. Astana qalalyq Jastar saiasaty mäselelerı basqarmasy erıktılerge qalanyŋ barlyq audanyndaǧy tūrǧyn üiler balkondaryna ıluge 330 tu berdı. Onyŋ 150-ı Saryarqa audanyna bölındı. Qala boiynşa tu ılu jūmysyna şamamen 50 adam qatysty.
Qarsylyq tanytqandar bolǧan joq, tūrǧyndar būl chellendjdı öte jaqsy qabyldap, memlekettık tudy ıluge quana kırısken. Mūndai ıs-şaralar azamattardyŋ boiyndaǧy patriottyq ruhty tärbielep, memlekettık nyşandarǧa degen qūrmetın arttyra tüstı.
Bır mezgılde änūran aitty
«Menıŋ tuym – menıŋ maqtanyşym!» atty chellendj aiasynda Astana qalasynyŋ Baiqoŋyr audany äkımdıgı apparatynyŋ qyzmetkerlerı men Äskeri-patriottyq ortalyq qyzmetkerlerı bırlesıp, änūrandy şyrqady.
Is-şaraǧa Baiqoŋyr audanynyŋ äkımı Erlan Jaulybaev, Qaruly küşterdıŋ Äskeri-tarihi mūrajai qyzmetkerlerı, jas sarbazdar men audan tūrǧyndary qatysty.
– Memlekettık rämızder halqymyzdyŋ tarihy men taǧdyryn, ūly maqsattarǧa ūmtylysyn bıldıredı. Bükılhalyqtyq sipatqa ie bolǧan būl mereke barşamyzdy jūmyldyryp, ūlttyq sanany oiatyp, patriottyq sezım syilap jatyr. Täuelsızdıkke qol jetkızu tarihynda töl rämızderımız düniege kelgen kün – erekşe sät. Memlekettık rämızderımız tek körkem obraz ǧana emes, täuelsız memleket qūru ideiasynyŋ jarşysy, ızgı sezımderdı adamdardyŋ jan düniesıne sıŋıruge qyzmet etedı. Qyran beinelı kök tuymyz, basqaǧa ūqsamaityn şaŋyraq şyraily dara eltaŋbamyz, änūranymyzdyŋ äsem äuenı men ädemı mätını täuelsız elımızdıŋ atynan älem aldynda söileitın tarihymyzdaǧy resmi belgılerge ainaldy, – dedı öz sözınde audan äkımı.
Sondai-aq qalanyŋ 14 sauda ortalyǧynda bır mezgılde änūran şyrqaldy. Al Baiqoŋyr audanynda bes jaŋartylǧan aula aşyldy.
Kerneiletken konsert
Elordada «Äskeri kernei» muzykalyq festivalı aiasynda äskeri orkestrlerdıŋ plas-konsertı öttı. Esıl özenınıŋ jaǧalauyndaǧy amfiteatrda ötken dästürlı festival biyl onynşy ret ūiymdastyryldy.
Būl konserttıŋ maqsaty – eldıŋ ruhyn köterıp, äskeri muzykany nasihattau jäne öskeleŋ ūrpaqty patriottyqqa tärbieleu. Mädeni ıs-şaraǧa QR Ūlttyq ūlanynyŋ orkestrlerı, Memlekettık küzet qyzmetınıŋ Prezident orkestrı, Ūlttyq qauıpsızdık komitetınıŋ Şekara qyzmetı ansamblı, Qorǧanys ministrlıgınıŋ ortalyq orkestrı jäne Tötenşe jaǧdailar ministrlıgınıŋ orkestrı, sondai-aq, elımızdıŋ şyǧarmaşylyq ūjymdary qatysty. Plas-konsert barysynda muzykalyq ūjymdar älemdık klassika men halyq arasyndaǧy ruhty änderdı joǧary şeberlıkpen oryndady. Festival barysynda Ūlttyq ūlannyŋ äskeri orkestrlerı arasynda baiqau da öttı.
– Is-şarany ūiymdastyruda körsetken qoldauy üşın Astana qalasynyŋ äkımdıgıne erekşe alǧys aitamyn. Sonyŋ nätijesınde Qazaqstannyŋ üzdık äskeri orkestrlerı elordanyŋ mädeni alaŋdarynda özınıŋ muzykalyq şeberlıgın körsettı. Barlyq muzykalyq ūjym müşelerıne zor densaulyq, şyǧarmaşylyq tabys tıleimın, – dedı Işkı ıster ministrınıŋ orynbasary – QR Ūlttyq ūlanynyŋ bas qolbasşysy Erkın Botaqanov.
Jyl saiyn ūiymdastyrylatyn äskeri orkestrler festivalı bas qaladaǧy maŋyzdy mädeni ıs-şaranyŋ bırıne ainaldy. Sondyqtan är kez Astana tūrǧyndary men qonaqtaryna jarqyn äser qaldyryp keledı. Būl joly da konsert baǧdarlamasy äskeri, klassikalyq, halyqtyq jäne estradalyq muzyka, defile şeruı, plas-konsert jäne äskeri qyzmetşılerdıŋ qaru-jaraqpen körsetılımınıŋ organikalyq türde üilesımımen öttı.
Qazaqtyŋ qūraǧyn qyzyqtady
Astanada «Alaman qūraq» jobasy aiasynda qolönerşıler järmeŋkesı jäne ūlttyq kiımder defilesı öttı. Qazaq elı alaŋynda ötken järmeŋkege elımızdıŋ är öŋırınen kelgen 250 qolönerşı qatysty.
Järmeŋke taŋerteŋnen keşke deiın sozyldy. Qala tūrǧyndary men qonaqtary qolönerşılerdıŋ qūraq körpelerın qyzyqtap, onyŋ tarihy men jasalu joly turaly mol maǧlūmatqa qanyqty.
– «Alaman qūraq» jobasynda qolönerşılerdıŋ järmeŋkesı, ūlttyq kiımder men zamanaui stilde tıgılgen kiımderdıŋ sän ülgısı körsetıldı. Maqsat – qazaq qolönerınıŋ tarihyn nasihattap, ūlttyq qūndylyqtardy keleşek ūrpaqqa jetkızu. Qatysuşy ısmerlerdıŋ qūraq körpelerınıŋ barlyǧy bır tüstı, bırdei oiuly boldy. Qolönerşılerdıŋ arasynda köpbalaly analar, mügedektıgı bar bala tärbielep otyrǧan analar bar, – dedı joba ūiymdastyruşysy Ziuar Jūmanova.
Joba aiasynda elordada ūzyndyǧy 500 metrlık qūraq körpe tıgıldı. Tu tüstes qolöner tuyndysyn 250 şeber jasap şyqqan. Būl erekşe körpe Ginness rekordtar kıtabyna endı. «Alaman qūraq» jobasy «Qazaqtyŋ qūraǧyna älem kerek» degen ūranmen ūiymdastyryldy.
– Bızdıŋ osy jobany ūiymdastyrudaǧy maqsatymyz – qazaqtyŋ qūraǧyn älemge paş etu, älemge «qazaqtyŋ qūraǧy kerek» degen ūǧymdy engızu jäne halqymyzdyŋ auyzbırşılıgın körsetu. Öitkenı 200-den astam qatysuşy körpenı bır tüste, bır tehnikada tıgıp keldı, – dedı qolöner şeberı Nūrgül Abaihanqyzy.
