Elordada jyl basynan berı rūqsat qūjaty joq 90 nysannyŋ qūrylysy jürgızılgen. Bügıngı taŋda 90 nysannyŋ 44-ı qūrylys saluǧa qajettı barlyq rūqsat qūjatyn tolyqtap alǧan. Qalǧan 46 qūrylys nysany rūqsat qūjatyn tolyqtauǧa mındetteldı.
Astana qalasy Qalalyq orta sapasy jäne baqylau basqarmasynyŋ deregınşe, biyl qalanyŋ mamandandyrylǧan audanaralyq ekonomikalyq sotyna qūrylys-montaj jūmysyn toqtata tūruǧa jäne būzuǧa qatysty 63 talap aryz tüsken. Mūnyŋ bır bölımı qazır sotta qaraluda, bır bölımıne şeşım şyqty. Sot şeşımımen Ädılet departamentınıŋ qarauyna jıberılgenı de bar.
Bas qalada «Tūrǧyn üi qūrylysyna ülestık qatysu turaly» QR zaŋynyŋ talaptaryn saqtau boiynşa da bırqatar mäsele bar. Sol sebeptı qala tūrǧyndaryn aqparattandyru jäne zaŋnyŋ būzyluyna jol bermeu üşın äkımdıktıŋ resmi resursynda jäne BAQ-ta üleskerlerdıŋ qarajatyn qabyldauǧa qūqyǧy joq qūrylys saluşylardyŋ «qara tızımı» jüielı türde jariialanyp keledı.
Qūrylys kompaniialary üleskerlerdıŋ aqşalai qarajatyn «tūrǧyn üi qūrylysynyŋ bıryŋǧai operatorynyŋ kepıldıgın alu», «ekınşı deŋgeidegı banktıŋ jobasyna qatysu» jäne «tūrǧyn üidıŋ (tūrǧyn ǧimarattyŋ) qaŋqasyn tūrǧyzǧannan keiın üleskerlerdıŋ aqşasyn tartu» syndy 3 türlı jaǧdaida ǧana tarta alatynyn tūrǧyndar eskergen jön. Üi alatyn kezde tūrǧyndar qala äkımdıgınıŋ saitynda jariialanǧan «josyqsyz qūrylys saluşylardyŋ tızımıne» de qaraudy ūmytpaǧany dūrys.
