Elordada Qazaqstan halqy assambleiasynyŋ XXXII sessiiasy bastaldy. Otyrysta Prezident Äkımşılıgı basşysynyŋ orynbasary Aida Balaeva memlekettıŋ basty maqsaty täuelsızdıgımızdı saqtau ekenın atap öttı.
«Elımızdıŋ egemendıgı – barlyǧymyzǧa ortaq qūndylyq. Al ony qasterlep saqtau – azamattyq paryz. Būl oraida saiasi maŋyzdy ıs-şaralar el taǧdyryna qatysty oi-josparmen bölısuge mümkındık beretın aqparat alaŋy» dedı Aida Balaeva. Onyŋ aituynşa, bız el arasynda tek ruhani bırlık pen qūndylyqty därıpteu arqyly qoǧamdy auyzbırşılıkke jeteleimız. «Kez kelgen memleket bırlıkte bolsa, onda ol odan ärı güldene tüsedı. Özderıŋız körıp jürgendei, prezidenttık reformalardy jüzege asyru prosesı öte qarqyndy jürıp jatyr. Qysqa merzım ışınde bız maŋyzdy institusionaldyq özgerısterdı bastadyq. Eger bız ony bükıl qoǧam bolyp qoldap qana qoimai, öz öŋırımızdı damytsaq, onda köp ūzamai jaqsy nätijelerge qol jetkızemız» dedı Prezident Äkımşılıgınıŋ basşysynyŋ orynbasary.
Odan keiın söz kezegın alǧan QR Parlamentı Mäjılısı töraǧasynyŋ orynbasary Albert Rau QHA-nyŋ sessiiasyna är öŋırden jinalǧan jūrttyŋ ışınde jastardyŋ qarasy köbeigenın atap aitty. «Bügıngı jiynǧa qatysuǧa assambleia ardagerlerı men är öŋırden jinalǧan müşelerı, sondai-aq jaŋadan qosylyp jatqan jastar keldı. Būl assambleianyŋ jūmysy alǧa jyljyp, özınıŋ tarihi missiiasyn damytyp kele jatqanynyŋ körsetkışı dese de bolady» dedı deputat. Sondai-aq ol jūrtty bırlıkke, yntymaqqa, eldıkke ündeitın QHA-nyŋ aldynda qyruar jūmystar tūrǧanyn tılge tiek ettı. «Täuelsız Qazaqstannyŋ bügını men erteŋı üşın bärımız jūmylyp, bırlıkpen ömır sürsek, maqsatymyzǧa jetemız. Būl jerde Qazaqstan halqy assambleiasynyŋ jūmysy orasan. Bızdıŋ basty maqsatymyz – ol elımızdıŋ täuelsızdıgın saqtap, halyqty bırlıkke şaqyru» dedı A.Rau.
Ekı künge sozylatyn sessiiaǧa 1300 adam, sonyŋ ışınde Parlament deputattary, ortalyq jäne jergılıktı atqaruşy organdardyŋ, dıni bırlestıkterdıŋ basşylary, QHA müşelerı, respublikalyq jäne oblystyq etnomädeni bırlestıkterdıŋ töraǧalary, ükımettık emes ūiymdardyŋ, diplomatiialyq korpustyŋ, ǧylymi, şyǧarmaşylyq qauymnyŋ, otandyq jäne şeteldık būqaralyq aqparat qūraldarynyŋ ökılderı qatysady.
Biylǧy sessiia «Ädılettı Qazaqstan: bırlık, tūraqtylyq, damu» degen ataumen ötedı. Jiynǧa qatysuşylar Ädılettı Qazaqstandy qūru jolyndaǧy ūlt bırlıgı qūndylyǧy, jüielı özgerısterge saiasi jäne qoǧamdyq serpın beru, memlekettık qūrylystyŋ jaŋa kezeŋındegı ūlttyq saiasatty jürgızudegı ärtürlı etnostyŋ ülesı siiaqty mäselelerdı talqylaidy. Sessiianyŋ seksiialyq basqosulary Nazarbaev universitetınde ötedı. Onda delegattar men sarapşylar joǧarydaǧy atalǧan taqyryptardy aşyq talqylaidy. Al bügın sessiianyŋ Plenarlyq otyrysy Beibıtşılık jäne kelısım saraiynda Memleket basşysy Qasym-Jomart Toqaevtyŋ qatysuymen ötedı.
