«Sifrlyq notariat» – qanatqaqty joba
Memleket basşysy Qasym-Jomart Toqaev özınıŋ sailaualdy baǧdarlamasynda «eGovMobile» mobildı qosymşasynyŋ bazasynda memleket halyqpen jäne biznespen özara ıs-qimyl jasauy üşın tiıstı sifrlyq infraqūrylym qūru keregın aitqan bolatyn. Osyǧan orai, Ädılet, Sifrlyq damu, İnnovasiialar jäne aeroǧaryş önerkäsıbı ministrlıkterı respublikalyq notariattyq palatamen bırlesıp «Sifrlyq notariat» jobasyn ıske qosty.
Būryn senımhatty resımdeu üşın qūjatqa qol qoiu jäne notarius kuälandyru üşın klienttıŋ jeke qatysuy talap etılse, endı tūrǧyndar notariattyq senımhattardy «eGov Mobile» arqyly onlain formatta räsımdei alady. Ol üşın aldymen «eGov Mobile» qosymşasyna kırıp, ötınımdı toltyrasyz. ESQ kömegımen qol qoiǧannan keiın jeke basyn rastau üşın qosymşanyŋ kömegımen notariusqa beineqoŋyrau şalyp, belgılengen tarif boiynşa notariustyŋ qyzmetıne aqy töleseŋız boldy. Tölem jasalǧannan keiın «Sifrlyq qūjattar» bölımınen daiyn sifrlyq senımhatty aluǧa bolady. Tıptı kölık jürgızu kuälıgın de üiden şyqpai-aq jaŋartyp, daiyn bolǧanda alyp ketuge bolady. Aldaǧy uaqytta adam ömırın jeŋıldetuge arnalǧan jobalar jalǧasa bermek.