Astana taǧy qalyŋ qarǧa orandy. Tünı boiy jauǧan aq ūlpa qarly boranǧa ūlasyp, qalalyqtardy edäuır äbıgerge saldy. Osyǧan orai, kommunaldyq qyzmetter täulık boiy küşeitılgen rejimde jūmys ıstep jatyr. Bügınde qalany qalyŋ qardan tazartu jūmysyna kün saiyn 2,3 myŋnan astam jol jūmysşy men myŋnan astam arnaiy tehnika jūmyldyryluda.
Soŋǧy künderı aua raiy kürt özgerıp, tek demalys künderı jauǧan qar mölşerı bır jarym ailyq normadan asyp tüstı. Aua raiynyŋ kürt naşarlauyna bailanysty qala ışındegı keibır köşelermen qoǧamdyq kölıktıŋ jüruı qiyndap, qalyŋ qar, köktaiǧaq, boran saldarynan avtobus baǧdarlary keşıgıp, qalalyqtar bıraz qinalyp qaldy.
Erejege säikes, qala joldarynda keptelıs bolmas üşın bırınşı kölık köp jüretın köşelerdıŋ qary tazartylady. Mektepterge, balabaqşalarǧa, auruhanalarǧa kıretın oryndar, trotuarlar men joldardy tazartuǧa da basymdyq berıledı.
Saryarqa audany äkımı apparaty bölımınıŋ bas mamany Janseiıt Tynbaevtyŋ aituynşa, qys mezgılınde aldymen mehanikalandyrylǧan tazartu jürgızıledı.
– Mehanikalandyrylǧan tazartu jol tösemı jol-kölık qūraldarynyŋ, sondai-aq avtobustardyŋ, avtobus jelılerınıŋ ötuı üşın maŋyzdy. Tūrǧyndardyŋ avtobusqa eş qiyndyqsyz otyruy üşın jaiau jürgınşıler ötkelderı qolmen tazalanady, – deidı bas maman.
Jalpy mamandardyŋ aituynşa, mūndai jaǧdai elordada 1996 jyldyŋ säuır aiynda bolǧan körınedı. Degenmen qalanyŋ barlyq audany qar tazalau jūmysyn qarqyndy jürgızıp jatyr. Ötken tünde elorda aumaǧynan 36 myŋ tekşe metrden astam qar şyǧaryldy.
Keşe qala aumaǧynan 42 myŋ tekşe metrden astam qar şyǧaryldy. Bas şahardyŋ köşelerı men joldaryn qar men mūzdan tazartu üşın 2239 jol jūmysşy men myŋnan astam arnaiy tehnika jūmyldyryldy
Almaty audanynda bır tünde barlyǧy 1,8 myŋ tonnadan astam qar jinalyp, 63 jol jūmysşysy men 229 arnaiy tehnika jūmyldyryldy. Baiqoŋyr audany aumaǧynda da qar tazalau jūmysy qyzu jürgızılude. Būl ıske barlyǧy 500-ge juyq jol jūmysşysy men 100-den asa arnaiy tehnika şyǧaryldy. Saryarqa, Esıl, Nūra audandarynda da qar şyǧaru jūmysy jalǧasuda. Qazırgı uaqytta būl aimaqtarda kommunaldyq qyzmetter negızgı köşelerdı, kıreberıs qaltalardy jäne trotuarlardy qardan tazalau üşın kommunaldyq qyzmetkerler bar küşın saluda.
Keşe qala aumaǧynan 42 myŋ tekşe metrden astam qar şyǧaryldy. Bas şahardyŋ köşelerı men joldaryn qar men mūzdan tazartu üşın 2239 jol jūmysşy men myŋnan astam arnaiy tehnika jūmyldyryldy.
Soŋǧy üş künde qaladan 71 myŋ tekşe metrden astam qar şyǧaryldy. Degenmen qar küreu kezınde jol jiekterınde qalǧan nemese kırme joldardyŋ janynda retsız tūrǧan maşinalardyŋ kedergı keltıretını şyndyq. Būl rette qar küreu jūmysyna jol jiekterınde qalǧan nemese kırme joldardyŋ janynda retsız tūrǧan maşinalar jäne t. b. kedergı keltıretının eskersek, sala mamandary qalalyqtardyŋ kölıgın jol jiegıne qaldyrmauyn, yŋǧaisyz oryndarǧa qoimauyn, bastysy, qoǧamdyq kölıkterdıŋ jolyn bögemeudı eskertedı.
«Öitkenı kölıkter jol jiegınde tūrsa, arnaiy tehnika būl uchaskelerdı emın-erkın tazalai almaidy. Mūnyŋ bärı arnaiy tehnikanyŋ uchaskelerden ötuıne jäne tiıstı uchaskelerdı tazalauyna edäuır qiyndyq tudyryp qana qoimaidy, qar küreu jūmysyn baiaulatady» deidı mamandar.
«Qazgidromet» sinoptikterınıŋ deregı boiynşa ailyq norma 22 mm bolsa, Astanada soŋǧy bırneşe künde ǧana 37,6 mm qar jaudy. 17 säuırge qaraǧan tünı elordadan 23 myŋ tekşe metrden astam qar şyǧaryldy.
Jalpy, biyl qys bastalǧaly berı qala aumaǧyndaǧy tört million tekşe metrden astam jer qardan tazartyldy. Būl rette köşelerdı, jaiau jürgınşıler jolyn, köpırlerdı, oramışılık aumaqtardy, aialdamalardy qar men mūzdan tazartuǧa barynşa küş jūmyldyryluda. Osyǧan orai, qalalyqtardyŋ köktaiǧaq kezınde qozǧalys erejesın saqtaǧany, jürgızuşıler jolda mūqiiat bolyp, qauıpsız araqaşyqtyqty saqtaǧany jön.
