Astana qalasynyŋ kommunikasiialar qyzmetı alaŋynda bas qalanyŋ Quyrşaq teatrynyŋ körkemdık jetekşısı Quat Ejembek osy öner oşaǧynyŋ tynysy jäne aldaǧy josparymen tanystyrdy.
Onyŋ aituynşa, osydan 6-7 jyl būryn qazaq tılınde ötetın qoiylymdarǧa körermender tym az keletın. Qazır būl mäsele oŋ şeşımın tapty. Bügıngı körermennıŋ, ata-ananyŋ közqarasy özgerıp keledı.
Elordanyŋ quyrşaq teatry aşylǧan künnen bastap älemdık teatrlarmen tyǧyz bailanys ornatty. Tek halyqaralyq quyrşaq teatrlary festivalderıne qatysyp qana qoimai, 2015 jyly Qūralai Eşmūratova atyndaǧy I halyqaralyq «Qūralai» quyrşaq teatrlary festivalın ötkızdı. Peru, Estoniia, Bolgariia, Serbiia, Rumyniia, Resei, Tatarstan, Türkiia, Täjıkstan, İtaliia, Tunis, Belgiia, Bosniia jäne Gersegovina, t. b. memleketterdıŋ öner ūjymdary qatysqan atalmyş festival aiasynda «Eurasia Puppet» – quyrşaq teatrlary assosiasiiasyn qūru turaly memorandumǧa qol qoiyldy. Būl memorandum teatrlar arasyndaǧy bailanysty, dostyqty nyǧaita tüstı. Sonyŋ arqasynda Qazaqstannyŋ quyrşaq teatryn älem tanydy.
Biyl 25-29 mausym aralyǧynda «Qūralai» halyqaralyq quyrşaq teatrlary festivalı jalǧasyn tabady. Būl joly oǧan Qytai, Peru, Türkiia, Serbiia, Estoniia, Resei, Özbekstan jäne Qazaqstannan bas-aiaǧy 13 teatr qatysady. Atalmyş festivaldıŋ bır erekşelıgı arnaiy atalymdardy balalardan qūrylǧan qazylar alqasy anyqtaidy.
Jalpy qazır Quyrşaq teatry repertuarynda halyq ertegılerınıŋ ızımen sahnalanǧan «Qaŋbaq şal», «Er Töstık», «Aldar köse», G.H.Andersennıŋ «Su perısı», «Tüime qyz», S.Jünısovtıŋ «Atameken», R.Mūqanovanyŋ «Mäŋgılık bala beine», A.Salaevanyŋ «Menıŋ salǧan suretım», «Baiqa jolda, balaqai!» syndy otyzdan asa spektakl bar.
Erkenaz ZEIKEN,
L.Gumilev atyndaǧy Euraziia ūlttyq universitetınıŋ 2-kurs studentı
