Qyzdar arasynda taqiia kiiu sänge ainaldy. Būryndary ony tek ūlttyq meiramdarda ǧana köretınbız. Qazır būl qazaq qyzdarynyŋ körkın aşatyn sändı būiymnyŋ bırı sanalady. Taqiiaǧa taǧylatyn äşekeilerdıŋ özı de kümısten jasalyp, qazaqy oiu-örnekpen kömkerılgen.
Ertede qyzdardyŋ taqiiasyna ılınetın ükıaiaq degen äşekei bolǧan. Mūny äşekei deuge de kelmeitın şyǧar. Öitkenı būl gigienalyq zat retınde qoldanylǧan. Onymen tyrnaq tazalaǧan, qajet emes kezınde taqiianyŋ tömengı jaǧyna ılıp qoiǧan.
Qyz balanyŋ barlyq düniesı ädemı, köz tartatyndai boluy kerek emes pe?! Sondyqtan oǧan tiyn, monşaq, salpynşaq taǧyp äsemdegen. Däl osyndai ükıaiaqty bız oblystyq tarihi-ölketanu muzeiınen kezdestırdık. Eksponattar arasynda tūrǧan būl būiym HIH ǧasyrdyŋ soŋynda qoldanylǧan eken. Ükıaiaq kümıspen kömkerılıp, bezendırılgen.
Symbat BEGIMBAEVA
