Astanalyq Nūra audany äkımınıŋ orynbasary Ruslan Oralov pen audan äkımınıŋ inspektory Jarqyn Aitjanov «Ürker» tūrǧyn alabyndaǧy qoǧamdyq keŋıstıkterdı aralap şyqty. Merdıger ūiymdar men audan äkımdıgı qyzmetkerlerınıŋ qatysuymen ötken kezdesude tūrǧyn alapty jaqsartu mäselesı talqylandy.
Aldymen K.Aqyşev atyndaǧy №69 mektep-gimnaziiasyna at basyn tıregender bılım mekemesınıŋ bügıngı jaǧdaiymen tanysty. Biyl nysan janynda mektep avtobusyna arnalǧan tūraq aimaǧyn jabdyqtau josparlanuda. Sondai-aq mektepke ırgeles İsatai batyr köşesınde aǧaş otyrǧyzylady.
Mektep janyndaǧy alaŋ da nazardan tys qalǧan joq. Oiyn alaŋynyŋ barlyq elementı jöndelıp, retke keledı.
Biyldan bastap Aiǧyrjal köşesındegı skverge erekşe nazar audarady. Endı qoǧamdyq keŋıstıktı audandyq äkımdık qaramaǧyna almaq. Qazırgı uaqytta skverdı Nūra audany äkımdıgı apparatynyŋ balansyna beru üşın akt daiyndaluda.
Aralau barysynda apparat qyzmetkerlerı merdıger ūiymdarǧa bırqatar tapsyrma berdı. Sonymen qatar sanitarlyq tazalaudy küşeitu jäne jasyl jelekterdı kütıp ūstau, beinebaqylau kameralaryn qosu jäne jaryqtandyru mäselelerıne qatysty eskertuler jasaldy.
2023 jyldyŋ aqpan aiynda tūrǧyn alapty damytudyŋ jol kartasy qabyldandy. Qazırgı uaqytta «Ürker» tūrǧyn alabynda 2 memlekettık mektep, injenerlık jelıler, trotuarlar jäne t. b. salynuda. Sondai-aq biyl aşylǧan dene şynyqtyru-sauyqtyru keşenındegı sport üiırmelerıne alaptyŋ balalary arasynda ırıkteu jürıp jatyr.
