Abai oblysyndaǧy ört kezınde 14 adam qaza tapty. Osy qazaly oqiǧaǧa bailanysty Memleket basşysy Qasym-Jomart Toqaev alapat örttıŋ saldarynan qaza tapqan azamattardy eske alu üşın 12 mausymdy jalpyūlttyq aza tūtu künı dep jariialady. Keşe elımızde memlekettık tuymyz tüsırılıp, halyq ört qūrbandaryna taǧzym ettı.
Prezident Qasym-Jomart Toqaev Abai oblysyna jūmys saparymen kelıp, örtenıp jatqan orman alqabyn tıkūşaqpen aralap şyqty. Memleket basşysyna Tötenşe jaǧdailar vise-ministrı Marat Küldıkov pen Abai oblysynyŋ äkımı Nūrlan Ūranhaev ört söndıru jūmysynyŋ barysy jäne tabiǧat apaty saldarymen küres jönınde qabyldanyp jatqan şaralar turaly baiandady.
Memleket basşysy Abai oblysyna jasaǧan jūmys sapary barysynda «Semei ormany» tabiǧi rezervatyndaǧy alapat ört saldarynan qaza tapqan orman şaruaşylyǧy qyzmetkerlerınıŋ otbasy müşelerı men jaqyn tuystarymen kezdesıp, olarǧa köŋıl aitty.
Qaza tapqan azamattardyŋ tuystary Prezidentke qiyn jaǧdaiǧa tap bolǧanyn aityp, tūrmystyq problemalaryn şeşıp berudı sūrady. Sondai-aq orman şaruaşylyǧyndaǧy olqylyqtar turaly aryz-şaǧymdaryn jetkızdı. Atap aitqanda, marqūmdardyŋ tuǧan-tuystary rezervattaǧy materialdyq-tehnikalyq baza syn kötermeitının, ormanşylardyŋ eŋbekaqysy azdyǧyn, al qyzmetkerlerdı äleumettık qorǧau şaralary naşar ekenın aitty.
Memleket basşysy Bas prokuratura osy qaiǧyly jaǧdai boiynşa tergeu amaldaryn jürgızıp, kınälı adamdar jauapqa tartylatynyn aitty. Sondai-aq Prezident jaqynynan aiyrylǧan otbasylarǧa taiau arada kömek körsetu jönınde Ükımetke tapsyrmalar berdı.
***
Prezident Qasym-Jomart Toqaev Abai oblysyndaǧy alapat örtke bailanysty Tötenşe jaǧdailar jönındegı jedel ştabtyŋ otyrysyn ötkızdı.
Jiynǧa qatysuşylar, eŋ aldymen, tabiǧat apaty kezınde qaza tapqan azamattardy bır minut ünsızdıkpen eske aldy.
«Elımızde taǧy da alapat ört bolyp jatyr. Ökınışke qarai, tılsız jaumen küres kezınde azamattarymyz qaitys boldy. 14 adam qyzmettık mındetın atqaryp jürıp erlıkpen qaza tapty. Men jaŋa ǧana būl adamdardyŋ tuystarymen kezdestım. Öte auyr äŋgıme boldy. Jūrt jylap otyr. Ükımetke narazylyǧyn aityp jatyr. Marqūmdardyŋ otbasylaryna jäne jaqyndaryna qaiǧyra köŋıl aitamyn» dedı Memleket basşysy.
Prezident jaŋadan taǧaiyndalǧan Tötenşe jaǧdailar ministrı, general-maior Syrym Şärıphanovty tanystyryp, vedomstvoǧa jükteletın basty mındetterdı atap öttı.
«Alda auqymdy jūmys bar. Jalpy, būl salada tüitkılder, şeşılmei jatqan mäseleler az emes. Qazırgı taŋda negızgı mındet – jūmysty sapaly jürgızu. Būl – eŋ aldymen, osyndai apattarǧa jol bermeu qajet, sonymen qatar tötenşe jaǧdai bolǧan kezde tiıstı şaralar joǧary deŋgeide ūiymdastyryluy kerek degen söz. Būl jaǧdai käsıbi salǧyrttyqty, adamdardyŋ taǧdyryna bei-jai qaraitynymyzdy körsettı. Men būǧan taǧy da köz jetkızdım. Al qazırgı taŋda sapaly, dūrys jūmys atqarylyp jatqan joq. Mūny moiyndauymyz kerek. Bır sözben aitqanda, būl salanyŋ jūmysyn tübegeilı jaqsartu qajet. Ministrlık jäne onyŋ basşylary özderınıŋ qyzmettık mındetterıne selqos qaraidy. Ne ısteu kerek ekenın bılmeidı. Şūǧyl şeşımder qabyldamaidy. Sondyqtan osyndai qaiǧyly jaǧdai bolyp otyr» dedı Memleket basşysy.
Prezident örtpen küres şaralarynyŋ basy-qasynda jürgen Tötenşe jaǧdailar vise-ministrı Marat Küldıkov pen Abai oblysynyŋ äkımı Nūrlan Ūranhaevtyŋ tabiǧat apaty saldarymen küresu, jaqyn maŋaidaǧy eldı mekender tūrǧyndaryn evakuasiialau jäne zardap şekken tūrǧyndarǧa kömek körsetu jönınde qabyldanyp jatqan şaralar turaly baiandamalaryn tyŋdady. Prezident baiandamaşylardyŋ jauabyna köŋılı tolmaitynyn jetkızdı. Tötenşe jaǧdailar ministrı Syrym Şärıphanovqa batyl kadrlyq şeşımder qabyldau jönınde tapsyrma berdı. Al Abai oblysynyŋ äkımı Nūrlan Ūranhaevqa sögıs jariialady.
Prezident qazır adam ömırın saqtau, sondai-aq örttı auyzdyqtau basty maqsat ekenın atap öttı.
Memleket basşysy byltyr Qostanai oblysynda bolǧan örtten qorytyndy şyǧarylmaǧanyn, berılgen tapsyrmalar atüstı oryndalǧanyn qataŋ synǧa aldy.
«Qauıp-qaterdıŋ baǧalanbaǧany qazırdıŋ özınde tüsınıktı bolyp otyr. Boljam dūrys jasalmady. Nätijesınde tabiǧat apaty tiıstı därejede ärı der kezınde auyzdyqtalmady. Demek, tiıstı algoritmder jūmys ıstemeidı. Būl, eŋ aldymen, TJM-nıŋ kemşılıgı. Bas prokuraturaǧa qozǧalǧan qylmystyq ıs aiasynda uäkılettı organdar men lauazymdy adamdardyŋ ıs-äreketıne naqty baǧa berudı tapsyramyn» dedı Memleket basşysy.
Prezident orman jäne dala örtın aldyn ala anyqtau jäne apatty jaǧdaidan saqtandyru jönındegı jūmys tärtıbı jolǧa qoiylmaǧanyna nazar audardy.
Sonymen qatar Memleket basşysy orman alqaptarynda jürgen kezde qauıpsızdık erejesın būzatyn azamattardy qylmystyq jauapkerşılıkke tartu qajet ekenın mälımdedı. Qasym-Jomart Toqaev Tötenşe jaǧdailar jönındegı jedel ştabtyŋ otyrysynan keiın ört söndıruge jūmyldyrylǧan qūtqaruşylarmen jäne erıktılermen kezdestı.
