Ūlt mūrasyn ūlyqtap…
![](https://astana-akshamy.kz/wp-content/uploads/2023/04/342964900_165162129821081_3490471713534612126_n-780x470.jpg)
Keşe Qazaqstan Respublikasy Ūlttyq muzeiınde «Saryarqanyŋ ruhani, mädeni mūrasy» atty döŋgelek üstel öttı. Is-şara aiasynda «Soltüstık Qazaqstan oblysynyŋ materialdyq emes mädeni mūrasy: ekspedisiialyq zertteuler» kıtabynyŋ tūsauy kesıldı. Kıtaptyŋ avtory – Önertanu PhD doktory, QR Ūlttyq muzeiınıŋ bölım jetekşısı Ardabi Mäulet.
Soltüstık Qazaqstan oblysynyŋ materialdyq emes mädeni mūrasy boiynşa jaryq körgen kıtapta tyŋ derekter körsetılgen. Eŋbekte oblystyŋ üş audany boiynşa jürgızılgen muzykalyq-etnografiialyq keşendı ekspedisiianyŋ baǧyttary jäne jinalǧan materialdyq emes mädeni mūra elementterı janrlyq erekşelıkterıne qarai sūryptalyp, olardy saqtauşy 20-ǧa juyq mūrager turaly mälımetter ekı tılde baiandalady. Ekspedisiia barysynda jazylyp alynǧan 50-den astam muzykalyq şyǧarmalardyŋ üş tıldegı tüsındırmesımen halyq önerpazdarynyŋ oryndauynda alǧaş ret notaǧa tüsırıldı.
Şaraǧa memleket jäne qoǧam qairatkerlerı, ädebiet jäne folklortanuşylar, etnografiia salasyndaǧy körnektı ǧalymdar men muzei salasynyŋ mamandary qatysty.