Astanadaǧy Älkei Marǧūlan atyndaǧy №40 mektep-liseiınde tılder merekesıne orai osy mekteptı 2005-2018 jyldary basqarǧan ūlaǧatty ūstaz, Qazaqstannyŋ bılım beru ısınıŋ qūrmettı qyzmetkerı Erbol Irgebai atyndaǧy kabinet aşyldy.
Därıshananyŋ aşylu saltanatyna belgılı alaştanuşy ǧalym, jazuşy, filologiia ǧylymdarynyŋ doktory Tūrsyn Jūrtbai, Oqu-aǧartu ministrlıgı Orta bılım beru departamentı töraǧasynyŋ orynbasary Dulat Jekebaev, L.Gumilev atyndaǧy Euraziia ūlttyq universitetı qazaq ädebietı kafedrasynyŋ meŋgeruşısı Qaiyrbek Kemeŋger, qalalyq bılım beru qyzmetkerlerı käsıpodaq ūiymynyŋ basşysy Batyr Äliūly, Astana qalasy boiynşa ädıstemelık ortalyq ädıskerı Künımbala Baiahmetbaeva, kompozitor Kentau Nazarbek, Erbol Irgebaidyŋ otbasy men tuystary, üzeŋgıles dostary qatysty.
Atalǧan kabinette Abai Qūnanbaiūly, Mūhtar Äuezov, Qaiym Mūhamedhanov syndy tūǧyrly tūlǧalar turaly mälımettermen qatar, Erbol Islämūlynyŋ eŋbekterı toptastyrylǧan.
Şarany ūiymdastyruşylar jaŋa därıshana būdan bylai öskeleŋ ūrpaqtyŋ ūltjandy azamat bolyp qalyptasuyna özındık septıgın tigızıp, mūnda jinaqtalǧan qūndy kıtaptar, mazmūny bai aqparattar qory tälım-taǧylym bererıne senımdı.
Erbol Irgebai ömırınıŋ soŋǧy jyldary Qaiym Mūhamedhanov atyndaǧy №90 mektep-gimnaziiany basqardy. Osy bılım oşaǧynda qazaq küresınen ony eske aluǧa arnalǧan «Astana open-2023» turnirı öttı. Jarysqa el aimaqtary men Astana qalasynan 20-dan asa komanda, 250-den astam sportşy qatysty.
