1 qyrküiekte 18 myŋ büldırşın alǧaş ret qoŋyraudyŋ ünın estıp, mektep tabaldyryǧyn attamaq. Bırınşı synypqa baratyn oquşylarmen qatar, 155 myŋ oquşy saltanatty şaraǧa qatysady.
Būl turaly Ortalyq kommunikasiialar qyzmetınde ötken brifing barysynda qalalyq Bılım basqarmasynyŋ basşysy Änuar Janǧozin habarlady.
Jaŋa oqu jylynda astanalyq oquşylar qalalyq, respublikalyq jäne jekemenşık baǧynystaǧy 105 mektepte bılım alatyn bolady. Bılım ordalarynyŋ barlyǧy oqulyqtarmen 100 paiyzǧa qamtylmaq. Ol üşın biudjetten 2,7 mlrd teŋge bölıngen. Qazırgı taŋda oqulyqtardy elordaǧa jetkızu jūmystary jürıp jatyr.
Änuar Janǧozinnıŋ pıkırınşe, mūǧalımderdı qaǧazbastylyqtan qūtqarudyŋ joly – elektrondy jurnal men www.kundelik.kz elektrondy kündelıgı. Onlain kündelık ata-analarǧa balalarynyŋ oqu ülgerımın qadaǧalauǧa mümkındık beredı. Biyl būl jüienıŋ mobildı qosymşasy da ıske qosylmaq.
Basqarma basşysy qala äkımı Äset İsekeşevtıŋ tapsyrmasymen bılım beru jüiesın qarjylandyru soŋǧy 2 jylda edäuır ūlǧaiǧanyn aitty. Mäselen, byltyr bölıngen qarjy 54 mlrd teŋgenı qūrasa, biyl 65 mlrd teŋgege deiın östı. Äkımdık bılım beru nysandaryn qajettı deŋgeide qamtamasyz etu, jöndeu jūmystary jäne qosymşa bılım beru jüiesıne basymdyq berıp otyr.
Äitse de, būl qarjy mektepterdegı üş auysymdy oqytu mäselesın tübegeilı şeşuge jetkılıksız körınedı. Aldyŋǧy oqu jylynda üş auysymdy 11 mektep bolǧan edı. Al biyl būl tüitkıl qalai şeşımın tappaq? Sūraqqa Änuar Janǧozin «Oqu ordalarynyŋ qūrylysy qarqyndy. Biyl 6 mekteptıŋ ǧimaraty paidalanuǧa berıledı. Keler jyly taǧy 5 mektep salynady jäne 6 mekteptıŋ janynan qosymşa ǧimarat tūrǧyzylady. Qazırgı taŋda Ükımetpen 24 mekteptıŋ jäne 10 qosymşa ǧimarattyŋ qūrylysy boiynşa kelıssözder jürgızıp jatyrmyz. Osylaişa, aldaǧy 4 jylda mektepterge tüsetın jüktemenı azaitqymyz keledı» dep jauap berdı.
Al biylǧy oqu jylynyŋ jaŋalyǧy qalalyq bılım ordalarynda jan basyna qarjylandyru ädısı engızıletını bolmaq.
