Memleket basşysy Qasym-Jomart Toqaev halyqtyŋ äleumettık jaǧdaiyn köteru baǧytynda Ükımet pen jergılıktı bilık ökılderıne naqty mındetter jüktep otyr. Osy baǧytta Nūr-Sūltan qalasynda qoljetımdı tūrǧyn üi salu boiynşa bırneşe baǧytta keşendı jūmystar jürgızılıp jatyr. Atqarylyp jatqan jūmystardyŋ barysy, qalada biyl salynatyn äleumettık baspanalar turaly elorda äkımı Altai Kölgınov mälım ettı.
«Baspana mäselesı qala tūrǧyndary üşın qaşanda özektı bolyp qala bermek. Tūrǧyn üi qoljetımdırek boluy üşın bırneşe baǧyt boiynşa jūmys jürıp jatyr. Olar – jeŋıldıkpen berıletın qoljetımdı tūrǧyn üi salu, tūrǧyn üi keşenderın jöndeu, apatty jaǧdaidaǧy jäne eskı üilerdı būzu, qūrylysy ūzaqqa sozylǧan nysandardy aiaqtau jäne t.b.
Jeŋıldıkpen berıletın päterler salu jūmysy «Bäiterek» holdingınıŋ enşıles ūiymdary jelısı boiynşa jürıp jatyr. Osy sebeptı bırqatar ūiymnyŋ basşylyǧymen jinalys ötıp, özektı mäseleler qarastyryldy. Sonymen «Bäiterek» holdingınıŋ Basqarma töraǧasy Qanat Şarlapaevpen, «Otbasy bankı» Basqarmasynyŋ Töraǧasy Läzzat İbragimovamen, «Bäiterek» holdingınıŋ Basqarma töraǧasynyŋ orynbasary Ädıl Mūhamedjanovpen kezdesıp, özektı mäselelerdı qarastyrdyq. Mäselen, qazaqstandyq tūrǧyn üi baǧdarlamasy (QİK) jelısı boiynşa – medisinalyq jäne äleumettık qyzmetkerlerge, pedagogtarǧa, polisiia departamentı men TJD qyzmetkerlerıne, mädeniet jäne sport qairatkerlerıne arnalǧan äleumettık tūrǧyn üi.
Özderıŋız bıletındei, «Otbasy bankı» jelısı boiynşa kezekte tūrǧandarǧa ötken jyldan bastap jastarǧa arnalǧan arnaiy tūrǧyn üi baǧdarlamasyn ıske qostyq. Tūrǧyn üi boiynşa jeŋıldetılgen äleumettık nesielendıru baǧdarlamasy qalamyzdyŋ 36 jasqa deiıngı jastaryna (küieuınıŋ/äielınıŋ jasy maŋyzdy emes) arnalǧan.
Memleket basşysy azamattardyŋ qoljetımdı baspana satyp aluyna jaǧdai jasau mäselesıne erekşe nazar audarudy tapsyrdy. Biyl bız taǧy da 10 myŋ äleumettık päter saludy josparlap otyrmyz» dep jazdy elorda äkımı.
