Astana qalasynyŋ äkımı Altai Kölgınov «Altyn şar» köppäterlı tūrǧyn üi keşenınıŋ üleskerlerımen kezdestı. Bır quanarlyǧy, 13 myŋnan asa ülesker köpten kütken baspanasyna qol jetkızıp, quanyşqa bölendı.
Qala basşysy qūrylysy ūzaqqa sozylǧan nysannyŋ bes köppäterlı üiden tūratynyn aitty. «Üleskerlerdıŋ jalpy sany 1200-den asa otbasylar. Nysanǧa kırgen kezde «saqaldy» qūrylystyŋ jūmysy toqtap tūrdy. Bır jerınde kem degende üidıŋ qaŋqasy bolsa, kei jerlerde üilerdıŋ bloktary ornatylyp, tek qadalar qaǧylǧan edı. Iаǧni eşteŋe bolǧan joq. Alaida köppäterlı tūrǧyn üi keşenınıŋ qūrylysy 2017 jyly aiaqtaluy tiıs edı. İnvestor tartudyŋ arqasynda qūrylys jūmystary qaita jandana bastady. Būǧan deiın bız qūrylysty aiaqtap, üleskerlerge tört tūrǧyn üi keşenınıŋ (bırınşı jäne ekınşı oryn) kıltterın tapsyrdyq. Qazırgı uaqytta qalǧan tūrǧyn üi keşenı boiynşa soŋǧy jūmystar jürgızılude (3-orynda). Jalpy alǧanda, köppäterlı tūrǧyn üi keşenı boiynşa qūrylys jūmystarynan basqa, syrtqy su qūbyry, kärız, elektr jelılerı jäne t.b. jelılerın ornatu boiynşa jūmystar jürgızıldı. Degenmen, älı de atqarar jūmys köp. Kezdesude üleskerler liftılerdıŋ jūmysy, «saqaldy» qūrylysty aiaqtau, abattandyru, äleumettık nysandar (mektep, emhana), parking, aulalar jäne t.b. salu mäselelerın aitty» dedı Altai Kölgınov.
Qala äkımı tūrǧyndar kötergen ärbır mäsele boiynşa jūmystar ret-retımen atqarylatynyn jetkızdı. «Jūmysty kezeŋ-kezeŋmen jürgızemız. Mysaly, aua raiy jaǧdaiyn eskere otyryp, aula qūrylysyn aldaǧy köktemge (2023 jyl) josparlaimyz, sondai-aq aitylǧan äleumettık nysandardyŋ qūrylysyna arnalǧan uchaskelerdı bekıtemız. Memleket basşysynyŋ tapsyrmasy boiynşa qūrylysy ūzaqqa sozylǧan nysandardyŋ qūrylysyn aiaqtau boiynşa jüielı jūmystar jürgızudemız. 16 myŋnan astam ülesker-otbasylardyŋ 13 myŋnan astamy köpten kütken baspanasyna qol jetkızdı. Qalǧan qaŋtarylǧan qūrylystar boiynşa qadamdyq ıs-şaralar jospary bar» dep tüsındırdı qala äkımı.
