Elordadaǧy oquşylardyŋ jalpy sany biyl 255 myŋ bolady. Solardyŋ ışınde 27 myŋǧa juyǧy 1-synypqa barady. Būl turaly keşe Astana qalasynyŋ kommunikasiialar qyzmetınde ötken jaŋa oqu jylyna daiyndyq jūmysy turaly brifingte qalalyq Bılım basqarmasynyŋ basşysy Qasymhan Senǧazyev mälımdedı.
Qūjattardy «elektrondyq ükımet» www.egov.kz veb-portaly arqyly qabyldau aiaqtaldy, qazırgı taŋda ata-analar qaǧaz jüzınde qūjat tapsyra alady.
Är mektepte qabyldau komissiiasy ūiymdastyrylǧan. Daryndy balalarǧa arnalǧan mamandandyrylǧan mektepterden basqa barlyq mektepterde 1-synypqa emtihansyz qabyldanady. Bılım beru ūiymdary 10, 11 (12)-synyptarǧa sol mektep janynda tūratyn oquşylardy qabyldaidy jäne qabyldau bılım aluşynyŋ jeke ötınışınıŋ ne olardyŋ ata-analarynyŋ nemese özge de zaŋdy ökılderınıŋ ötınışınıŋ jäne negızgı orta bılım turaly memlekettık ülgıdegı qūjatynyŋ negızınde jüzege asyrylady. Bügınde bılım beru ūiymdarynyŋ 10-synyptaryna 8360 bala qabyldanǧan.
– Qazırgı taŋda 49 bılım beru nysanynda kürdelı jäne aǧymdaǧy jöndeu jūmysy jürgızılude, olardy oqu jyly bastalǧanǧa deiın aiaqtau josparlanuda. Odan bölek, 14 mekteptıŋ qūrylysy jürıp jatyr, 11 mektep aǧymdaǧy oqu jylynda, oqu jyly bastalmai tūryp 4800 oryndyq 3 mektep paidalanuǧa berıledı. Memleket basşysynyŋ tapsyrmasy boiynşa «Jaily mektep» ūlttyq jobasy aiasynda 90000 (ekı auysymda) orynǧa şaqtalǧan 24 mektep salynady, – dedı Qasymhan Senǧazyev.
Jekemenşık mektepke deiıngı ūiymdarda 10317 orynǧa mektepke deiıngı tärbie men oqytuǧa memlekettık bılım beru tapsyrysy ornalastyryldy. Jūmys ıstep tūrǧan mektepke deiıngı ūiymdar janynan qosymşa 500 oryndyq korpus aşu josparlanuda. Biyl 17 tamyzdan bastap Astana qalasynyŋ mektepke deiıngı ūiymdarynyŋ toptaryn jaŋa 2023-2024 oqu jylyna jasaqtau aiaqtalady. Portalda 22190 joldama berıldı, onyŋ ışınde 13157 joldamany memlekettık balabaqşaǧa baratyn balalar alǧan.
– Bügınde elordada 67642 balany qamtityn 505 mektepke deiıngı ūiym jūmys ısteidı. Elektrondyq kezekte 61 myŋǧa juyq mektep jasyna deiıngı bala tırkelgen. Memleket basşysynyŋ tapsyrmasyn ıske asyru aiasynda osy jyldyŋ qyrküiek aiynan bastap halyqtyŋ äleumettık osal toptarynan şyqqan balalar balabaqşalarda tegın tamaqpen qamtamasyz etıledı, – dep atap öttı Bılım basqarmasynyŋ basşysy.
Elordada qazır 33 kolledj bar. Kadrlardy daiarlau 75 mamandyq jäne 122 bılıktılık boiynşa jüzege asyrylady. Barlyq kolledjde kabinetterge, şeberhanalar men jataqhanalarǧa kosmetikalyq jöndeu jürgızıldı, bılım beru baǧdarlamalary qaita jandanyp, pedagogikalyq ştat jasaqtaldy. Bügıngı taŋda kolledjderge oquǧa 11937 adam ötınış berdı. «Barşaǧa arnalǧan tegın käsıptık-tehnikalyq bılım» jobasy aiasynda 8 baǧyt boiynşa 8500 orynǧa jäne sūranysqa ie 59 mamandyq bar.
Q.Senǧazyevtyŋ aituynşa, biyl alǧaş ret kolledjderge 10-11-synyp oquşylaryna arnalǧan eksperimenttık bılım beru baǧdarlamalary boiynşa qabyldau jürgızılude. Oquǧa 270 adam qabyldanady dep josparlanuda, olar 1,5 jyldan keiın bılım turaly attestat jäne jūmys bılıktılıgı berılgen diplom alyp şyǧady. Oqu jylynyŋ basynan bastap 607 student memlekettık tapsyrys boiynşa kolledjderde oqudy bastaidy, al aiaqtaǧannan keiın qalanyŋ 44 türlı ūiymynda jūmysqa ornalasady.
Elordalyq bılım beru ūiymdarynda 3533 pedagog jūmys ısteidı. Jaŋa oqu jylynda qala mektepterınde äkım granty boiynşa bılım alǧan pedagogikalyq joǧary oqu oryndarynyŋ 131 tülegı jūmys ıstei bastaidy. 1 qyrküiekten bastap balabaqşa tärbieşılerınıŋ jalaqysy 30 paiyzǧa artady.
