Astana qalasynyŋ äkımı Jeŋıs Qasymbek biyl jaŋadan aşylatyn köpır men jöndeuden ötetın köşeler turaly aqparat taratty. Būl turaly qala basşysy äleumettık jelıdegı paraqşasynda jazdy.
Qala basşysy Jeŋıs Qasymbek jol infraqūrylymyn damytuǧa köŋıl bölınetının aitty. Osyǧan orai bas qaladaǧy 300 köşege jöndeu jūmystary jürgızıledı. Sonymen qatar biyl qalaǧa 400 avtobus jetkızu josparlanyp otyr. Onyŋ basym bölıgı şılde aiynan bastap äkelınedı. «Qala men tūrǧyndardyŋ ösuın nazarǧa ala otyryp, tırşılıktı qamtamasyz etu jüielerınıŋ nysandaryn salumen bırge, jol infraqūrylymyn damytuǧa da köŋıl bölemız. Biyl qalaǧa 400 avtobus jetkızemız. Al basym bölıgı şılde aiynan bastap jetkızıle bastaidy» dedı äkım.
«Sondai-aq qala joldaryndaǧy kölık aǧynyn seiıltu üşın biyl Esıl özenı arqyly ötetın Täuelsızdık daŋǧylyndaǧy köpırdıŋ qūrylysyn aiaqtaimyz. Būl köpır joldardaǧy keptelıstı edäuır jeŋıldetuge mümkındık beredı, sol siiaqty sol jaǧalaudy Täuelsızdık daŋǧylymen, jaŋa temırjol vokzalymen, Qoşqarbaev daŋǧylymen, Näjımedenov köşesımen, Äzıret Sūltan meşıtı audanymen, Baitūrsynov, Qordai, Ainaköl köşelerımen, Momyşūly daŋǧylymen jäne t.b. qosymşa bailanysty qamtamasyz etedı» dep jalǧady sözın qala basşysy.
Sonymen qatar ol barlyq audanda jol jöndeu jūmystary jürgızılıp jatqanyn jetkızdı. «Biyl ūzyndyǧy 54 km-den asatyn 70-ten astam köşenı jöndeudı josparlap otyrmyz. Mäselen, olar Ǧūmar Qaraş, Qordai, Burabai, Beljailau köşelerı, Kenesary köşesınıŋ Ǧabdullin köşesınen Respublika daŋǧylyna deiıngı aralyǧy, Uälihanov köşesınıŋ Kravsov köşesınen Bögenbai batyr daŋǧylyna deiıngı aralyǧy, Täşenev köşesınıŋ Respublika daŋǧylynan Amman köşesıne deiıngı tūsy, İmanbaeva köşesınıŋ İmanov köşesınen Kenesaryǧa deiıngı aumaǧy, äl-Farabi daŋǧylynyŋ Alaş tasjolynan Puşkin köşesıne deiıngı jerı, Jeŋıs daŋǧylynyŋ Bögenbai batyr tūsynan Kenesary köşesıne deiıngı aralyǧy, Eŋbekşıler köşesınıŋ qūrylysy Ūly dala daŋǧylynan Būqar jyrau köşesıne deiıngı tūsy; Rysqūlov köşesınıŋ Mäŋgılık el daŋǧylynan Qaisenov köşesıne deiıngı aralyǧy, Saryarqa, R.Qoşqarbaev daŋǧyldary jäne taǧy basqalary. Biyl şamamen 300 köşe jöndeuden ötedı» dep sözın tüiındedı äkım.
