Bılım beru salasyndaǧy sapany qamtamasyz etu komitetı bılım beru ūiymdaryna monitoring jasap, 40 mekteptıŋ lisenziiasyz jūmys ıstegenın anyqtady. Onyŋ ışınde 30 memlekettık jäne 10 jekemenşık mektep bar.
Lisenziiasyz jūmys ıstegen mektepterdıŋ denı – Astana, Almaty qalalary men Batys Qazaqstan, Almaty, Jambyl, Jetısu jäne Maŋǧystau oblystarynda. 32 mektepke qatysty äkımşılık ıs qozǧalyp, lisenziiasyz qyzmet üşın aiyppūl salyndy. Onyŋ 23-ı – memlekettık, 9-y – jekemenşık mektep.
– Lisenziianyŋ joqtyǧy mekteptıŋ säikestık tekseruınen ötpegenın nemese rūqsat alu üşın qūjattar tapsyrmaǧanyn bıldıredı. Onnan asa mektepte sanitarlyq-epidemiologiialyq qorytyndy jäne tötenşe jaǧdai aktılerı joq. Būl balalardyŋ densaulyǧy men jailylyǧyna qauıp tudyruy mümkın. 14 mektepte materialdyq-tehnikalyq baza bılım berudıŋ zamanaui talaptaryna sai kelmeidı, bılım beru infraqūrylymy, bılıktı pedagogikalyq kadrlarmen tolyq jabdyqtalmaǧan, ūiymdastyru jūmystary da dūrys jolǧa qoiylmaǧan būl bılım beru sapasyn kerı äserın tigızedı, – dedı komitettıŋ rūqsat beru saiasaty basqarmasynyŋ basşysy Jūldyz Äuezhanova.
Aita keteiık, lisenziiasy joq mektepter bılım turaly memlekettık ülgıdegı qūjattardy, iaǧni negızgı jäne jalpy orta bılım turaly attestattardy bere almaidy. Lisenziiasyz jūmys ısteitın barlyq mektepterge qatysty äkımşılık ıster qozǧaldy. Bügıngı taŋda aumaqtyq departamentterge lisenziiasy joq mektepterge qatysty tiıstı şaralar qabyldau tapsyryldy, öŋırlerdıŋ äkımdıkterıne tiıstı hattar joldandy.
