Ūlttyq dombyra künı aiasynda elordanyŋ barlyq bılım beru mekemesınde Oqu-aǧartu ministrlıgınıŋ bastamasymen «Küi kümbırı» atty dombyraşylar chellendjı öttı.
Chellendj bılım aluşylardyŋ ruhani-adamgerşılık mädenietın, estetikalyq, patriottyq sezımın tärbieleu, eldıŋ mädeni mūrasyn saqtau, balalardyŋ dombyrada oryndau önerın nasihattau maqsatynda ūiymdastyryldy. Chellendjge Erkeǧali Rahmadiev atyndaǧy Memlekettık akademiialyq filarmoniianyŋ «Qorqyt» etnoansamblınıŋ körkemdık jetekşısı, bılım beru ısınıŋ qūrmettı qyzmetkerı, Mädeniet qairatkerı Şolpan Qorǧanbek jetekşılık ettı. Halyq küiı «Tepeŋ köktı», Qūrmanǧazynyŋ «Balbyrauyn» küiı men Äbdımomyn Jeldıbaevtyŋ «Erke sylqym» küiın 500-den asa bala tartty.
«2018 jyldan bastap Ūlttyq dombyra künı atalyp ötedı. Būl aspap qazaq halqynyŋ bükıl tarihyn baiandaidy. Balalarymyzdyŋ qazaq ūlttyq aspaby turaly mümkındıgınşe köbırek bılgenın qalaimyz. Ötken jyldan bastap qalanyŋ barlyq mektebınde dombyra üiırmesı aşyldy. Osy jyly ūlttyq aspap üiırmesıne qatysatyn balalar sany 2,5 myŋǧa östı, menıŋ oiymşa, būl körsetkış älı de artady. Dombyranyŋ tarihy 4 myŋ jyldan asady. Bolaşaqta elorda mektepterınen Qūrmanǧazy, Dina siiaqty körnektı küişılerdıŋ şyqqanyn qalaimyz» dedı Astana qalasy Bılım basqarmasynyŋ basşysy Qasymhan Senǧazyev.
