Elordada 2021 jyldyŋ soŋyna deiın qūrylysy bıtpei qalǧan 57 köppäterlı üidıŋ qūrylysy aiaqtalyp, 7411 ülesker köpten kütken baspanasyn alady. 2022 jyly taǧy 40 üi (2801 ülesker) jäne 2023 jyly 20 üi salynyp bıtedı. Būl turaly Nūr-Sūltan qalalyq mäslihatynyŋ qūrylys, ekologiia, kölık, sauda jäne tūrǧyn üi-kommunaldyq şaruaşylyǧy jönındegı tūraqty komissiiasynyŋ otyrysynda Qalalyq orta sapasy jäne baqylau basqarmasynyŋ basşysy Däulet Dosqūlov mälımdedı.
«Elorda qūrylys» kompaniiasynyŋ basty qyzmetı – bıtpei qalǧan qūrylys nysandaryn salyp bıtıru jäne aldanǧan üleskerlerdıŋ mäselesın şeşu. Aiaqtalmai qalǧan nysandardyŋ qūrylysyna Ūlttyq qordan qaitarymdy şartpen qarajat bölınedı. Qarjynyŋ qaitaryluy problemalyq nysandarda uäkılettı ūiymnyŋ bos alaŋqailardy jäne qarajatty beru, sondai-aq äkımdık bölgen jer telımderınde tūrǧyn üi keşenderın salu, üleskerlerdıŋ müddesıne öndırılıp alynǧan aqşa men mülıktı beru arqyly qamtamasyz etıledı» dep tüsındırdı D.Dosqūlov.
Qūzyrly mekeme basşysy 2018 jyly elordada 150 üidıŋ qūrylysy (52 nysan, 15 469 ülesker) toqtap qalǧanyn, al 2019 jyly äkımdık aralasuymen 13 üidıŋ qūrylysy aiaqtalyp, 2534 otbasy qonystoiyn toilaǧanyn habarlady. «2020 jyly 20 üidıŋ qūrylys-montaj jūmystary aiaqtaldy, sonyŋ nätijesınde 2723 ülesker öz baspanasynyŋ kıltın aldy. 2021 jyly äkımdık baqylauynda 97 üi (10212 ülesker) jäne 20 donor-nysan boldy. Būl üiler «Nūrly jer» memlekettık baǧdarlamasyn jüzege asyru aiasynda salynyp bıtuı tiıs» dedı ol. Üleskerlerge qatysty taǧy bır aqparat, 2021 jyldyŋ basynan berı 24 üi salynyp bıttı, sonyŋ nätijesınde üleskerler sany ekı esege 3 224 adamǧa deiın azaidy.
