Elordada sudaǧy qauıpsızdık erejelerın saqtamaǧan 8 adam suǧa kettı. Suǧa şomylu kezeŋı bastalysymen bolǧan ölım faktılerı Astana qalasy Tötenşe jaǧdailar departamentınde alaŋdauşylyq tudyrdy. Sol sebeptı departament astanalyq jaǧajaiǧa baryp, qauıpsızdık erejelerın halyqqa tüsındırdı.
Esıl özenınıŋ boiyn kememen jaǧalap, reid ötkızgen departament qyzmetkerlerı jaǧajaida ışımdık ışıp, keiın suǧa tüsuge ūmtylǧandardyŋ bırazyn polisiiaǧa tapsyrdy. Būl turaly Astana qalalyq TJD bölım bastyǧy, podpolkovnik Eldor Raiymbekov bylai dedı:
– Ökınışke qarai, suǧa ketıp mert bolǧandardyŋ sany ösıp barady. Onyŋ ışınde balalar da bar. Bügınde Astana boiynşa qaiǧyly 8 oqiǧa tırkelse, sonyŋ beseuınde 9-12 jas aralyǧyndaǧy balalar suǧa kettı. Oǧan eŋ aldymen äke-şeşelerdıŋ jauapsyzdyǧy sebep bolyp otyr. Köpşılıgı balalaryn qarausyz qaldyryp, qaiǧyly jaǧdaiǧa duşar bolady. Statistikalyq derekterge qaraǧanda, suǧa ketetın adamdardyŋ basym bölıgı – 25 pen 40 jas aralyǧyndaǧy azamattar. Bız ünemı halyq arasynda tüsındıru jūmystaryn jürgızemız. Äleumettık jelıler men BAQ arqyly aqparat taratamyz. Reid barysynda aqparattyq habarlamalar ülestıremız. Aldyn alu şaralary ötken jaǧdaidyŋ özınde keibırı elemei jatady.
Qūtqaruşylardyŋ aituynşa, suǧa şomylu kezınde ışımdık ışu – mezgılsız ölımnıŋ bır sebebı. Astana meiramy kezınde Esıl jaǧasynan ışımdıkke sylqiia toiyp ūiyqtap qalǧan azamattar kezdesken eken. Al ışımdık ışıp alǧan taǧy 4 azamat belgılenbegen jerde suǧa tüsken. Olarǧa eskertu jasalyp, keibırı äkımşılık jauapkerşılıkke tartyldy. Dese de, öz qūqyǧymyzdy bılemız dep tepsıngen azamattar kezdesıp jatady.
Astana qalalyq TJD bölım bastyǧy, podpolkovnik Eldor Raiymbekovtıŋ aituynşa, suǧa ketken adamdy 5 minuttyŋ ışınde qūtqaryp qaluǧa bolady.
