Elordada üş jyldan berı jūmys ıstep kele jatqan «Janūia» otbasy institutyn qoldau ortalyǧy köpbalaly otbasylarǧa, mügedek jandarǧa, tolyq emes jäne az qamtylǧan otbasylarǧa, mümkındıgı şekteulı balalardy tärbielep otyrǧan ata-analarǧa keşendı konsultasiialyq qyzmetter, sonyŋ ışınde psihologiialyq, äleumettık jäne zaŋgerlık kömek körsetedı. Jyl basynan berı ortalyqqa zaŋgerlık keŋes alu üşın 142 azamat jügıngen. Būl turaly qalalyq kommunikasiialar qyzmetı alaŋynda ötken baspasöz mäslihaty barysynda «Astana qalasy äkımdıgınıŋ «Janūia» otbasy institutyn qoldau ortalyǧy» KMM direktory Bahtiiar Aitpaev mälımdedı.
Otbasylardy äleumettık süiemeldeu bölımderı ortalyqqa jügıngen azamattarǧa memleket tarapynan belgılengen äleumettık qoldau şaralary turaly keŋes beredı. Sondai-aq, ömırlık qiyn jaǧdaidaǧy otbasylardy aralap, tūrmys jaǧdaiymen tanysyp, şeşılmei jatqan mäselelerın jazyp alady, tūrmys jaǧdaiyn jaqsartuǧa atsalysady jäne ömırlık qiyn jaǧdaidan şyǧuǧa kömek körsetedı.
– Bızdıŋ ortalyqqa köbıne ömırlık qiyn jaǧdaidaǧy otbasylar, köpbalaly otbasylar, tolyq emes otbasylar, az qamtylǧan, jaǧdaiy tömen otbasylar, mügedektıgı bar balalardy tärbielep otyrǧan otbasylar, mügedektıgı bar adamdar jiı keledı. Ortalyq qyzmetkerlerı olardyŋ mäselelerın şeşumen ainalysyp keledı. 2022 jyl jäne 2023 jylǧy 1 toqsan qorytyndysy negızınde otbasylardy äleumettık süiemeldeu bölımderınıŋ mamandary 273 otbasyny tūrǧylyqty mekenjaiy boiynşa aralap, olardyŋ äleumettık-tūrmystyq jaǧdaiymen tanysyp, şeşılmei jürgen äleumettık mäselelerın jazyp aldy. Bır otbasynda bırneşe mäsele qarastyrylatyn jaǧdailar jiı kezdesedı. Jalpy, jyl basynan berı tūrǧyndardan äleumettık qorǧau boiynşa – 202, tūrǧyn üi mäselelerı boiynşa – 66, densaulyq saqtau mäselelerı boiynşa – 29 jäne bılım beru mäselelerı boiynşa 45 sūraq tüstı, – dedı ortalyq basşysy.
Azamattar, negızınen, būl ortalyqqa atauly äleumettık kömek taǧaiyndau, tūrǧyn üimen qamtamasyz etu, bılım beru boiynşa, densaulyq saqtau, tūrmys jaǧdaiyn jaqsartu jäne t. b. mäselelermen jügınedı eken. Bılım mamandary olardyŋ ärqaisysyna tiısınşe kömek körsetude.
– «Janūia» otbasy institutyn qoldau ortalyǧynyŋ otbasylardy äleumettık süiemeldeu bölımderınde jūmys ısteitın mamandar balalardy mektepke deiıngı ūiymdarǧa kezekke qoiuǧa – 40, mektepke deiıngı mekemelerge joldama aluǧa – 13, memlekettık tūrǧyn üi qorynan tūrǧyn üi alu üşın kezekke qoiuǧa ötınımdı resımdeude – 24, tolyq medisinalyq tekseruden ötuge 7 ret kömek körsettı. Aǧymdaǧy jylǧy ötınışterdı taldau boiynşa bızdıŋ ortalyqqa jügıngen 91 elorda tūrǧynyna psihologiialyq kömek körsettı. Jyl basynan berı ortalyqqa zaŋger keŋesın alu üşın 142 azamat jügıngen, – dedı direktor.
Sonymen bırge «Janūia» ortalyǧynyŋ qyzmetkerlerı qalada ūiymdastyrylyp jürgen qaiyrymdylyq şaralardan tys qalmaidy.
– Jyl basynan berı olar qoǧamdyq jäne qaiyrymdylyq qorlarymen, sondai-aq jeke tūlǧalarmen bırlesıp, 326 otbasyna azyq-tülık sebetı men tūrmystyq himiia jiyntyqtary taratyldy. Mäselen, 50 otbasyǧa mausymdyq kiım satyp aluǧa sertifikattar berıldı. Ortalyqtyŋ 2 jyldyǧyn merekeleuge arnalǧan «Janūia jyluy» qaiyrymdylyq ıs-şarasy aiasynda köpbalaly otbasylardan şyqqan balalar arasynda «Menıŋ süiıktı otbasym» taqyrybynda suret baiqauy ūiymdastyrylyp, oǧan 6-8 jas aralyǧyndaǧy 17 bala qatysty. Baiqaudyŋ demeuşısı «Stable construction» qūrylys kompaniiasy baiqau qorytyndysy boiynşa jeŋımpazdarǧa keŋse tauarlaryn satyp aluǧa jalpy somasy 180000 teŋgenı qūraityn 10 sertifikat tabystady. Otbasy künıne orai «Happylon» jäne «Mini City» balalar oiyn-sauyq ortalyqtaryna baruǧa 70 sertifikat berıldı. 20 otbasy «Qanattylar» inkliuzivtı teatrynyŋ aşylu saltanatyna şaqyrtu aldy. 80 balaǧa Roza Baǧlanova atyndaǧy Qazaqkonsert ǧimaratyna ekskursiiaǧa, sondai-aq «Jazǧy kino» jobasy aiasynda kinoteatrǧa baruǧa şaqyru biletı berıldı. Süiemeldeudegı 4 otbasyna «Dauletten», «Asar UME», «Qareket» qaiyrymdylyq qorlarynan tūrǧyn üi tabystaldy, – dedı Bahtiiar Aitpaev.
