Elordada Abai Qūnanbaiūlynyŋ 175 jyldyǧy qarsaŋynda aqyn atyndaǧy №87 mektep-gimnaziia aşyldy. Mektep direktory Aigül Qaşaevanyŋ aituynşa, bügınde mūnda myŋnan asa oquşy qabyldanǧan, onyŋ jüz eluı – bırınşı synyp şäkırtterı.
Saltanatty ıs-şaraǧa QR Premer-ministrı Asqar Mamin, Bılım jäne ǧylym ministrı Ashat Aimaǧambetov, elorda äkımı Altai Kölgınov, qalalyq Bılım basqarmasynyŋ basşysy Änuar Janǧozin qatysty. Mūǧalımder men balalardy Bılım künımen qūttyqtaǧan Ükımet basşysy jaŋa oqu ordasyna «Qoǧamdyq maŋyzy bar bastamalardy damytu qory» atynan – zamanaui kompiuterlermen jabdyqtalǧan 3D interaktivtı tehnologiiamen qorşaǧan ortany tanytu kabinetı, sondai-aq «Saryarqa avtoprom» ırı otandyq avtomobil jasau zauyty atynan oquşylardy tasymaldau boiynşa älemdık standartqa sai äzırlengen avtobus syiǧa tartylǧanyn mälım ettı. Sonymen bırge Äliia Nazarbaeva basqaratyn qor mektepke «Virtualdy ǧylymi zerthana» kabinetın qūral-jabdyqtarymen syiǧa tartty.
Būdan soŋ İnnovasiialyq intellektualdy tehnologiialar akademiiasynyŋ bas direktory Nūraly Qūdaibergenūly qonaqtarǧa mektepte abaitanu pänı oqytylatynyn jäne onyŋ erekşelıkterın aityp berdı.
– Bız abaitanu atty bıregei keşen äzırledık. Ol zamannyŋ talaptaryna tolyǧymen sai keledı. Iаǧni kompiuterlerdıŋ, interaktivtı taqtanyŋ kömegımen balalar Abai mūrasyn tereŋ zerttei alady. Sol jerde hakımnıŋ barlyq şyǧarmalary, öleŋderı elektrondy türde qoljetımdı bolady. Mysaly, balalar kürdelı sözderdıŋ mänın sol jerden bırden taba alady. Sonymen qatar, oquşylarǧa öleŋderdı jatqa oquǧa, är mätındı ajyratuǧa üiretedı, – dedı ol.
Sondai-aq akademiia basşysy mūndai synyptar elımızdıŋ barlyq mektepterınde engızıletınıne senım bıldırdı.
