Astananyŋ üş köşesıne bırjaqty kölık qozǧalysy engızıldı. Būl özgerıs qalalyq jol jelısındegı jüktemenı azaitu maqsatynda ıske asyrylyp otyr. Üş künnen berı astanalyq avtojürgızuşıler Abai daŋǧyly (Saryarqa daŋǧylynan Puşkin köşesıne deiın), Kenesary köşesı (Puşkin köşesınen Saryarqa daŋǧylyna deiın) jäne Iаnuşkevich köşesınde (Abai daŋǧylynan İmanov köşesıne deiın) bırjaqty qozǧalys erejesımen jüre bastady. Būl köşelerdıŋ jalpy ūzyndyǧy 9,6 kilometr bolyp otyr.
Jergılıktı polisiia qyzmetınıŋ bastyǧy Baqytjan Malybaev «Atalǧan üş köşedegı erejenı bılmestıkpen būzǧan azamattarǧa äzırge auyzşa eskertu aityluda. Aǧymdaǧy apta boiy bız polisiia basqarmasynyŋ jeke qūramymen bırlesıp, jürgızuşıler arasynda jaŋadan engızılgen bırjaqty qozǧalysqa qatysty tüsındıru jūmystaryn atqaramyz. Al, mausymnyŋ 20-synan bastap bırjaqty qozǧalys erejesın būzǧandarǧa tiısınşe aiyppūl salynatyn bolady» dep atap öttı.
Jol qozǧalysyndaǧy özgerısterge kölık jürgızuşılerı de ärtürlı baǧa berıp jatyr. Mäselen, astanalyq Erlan Bölekbaev bırjaqty qozǧalys turaly estıgende, «5-6 köşenı jyldam jürıp ötemız» dep quanǧanyn aitady. Alaida, keşe jūmysqa jetemın degenşe bıraz äure-sarsaŋǧa tüsıptı. «Künde taŋerteŋ 7-şı emhana jaqtan Abai köşesıne şyǧyp, Astanalyq bazaryna ary ketse 20 minutta baratynmyn. Bügın Abai köşesı jabyq eken, Kenesarydaǧy bırjaqty jolmen jüremın dep 45 minutta äreŋ jettım jūmysqa. Keptelıs bolmaidy desem, kerısınşe eken» dep bırjaqty kölık qozǧalysyna köŋılı tolmaitynyn bıldırdı.
Al, taksi qyzmetınde jūmys ısteitın Bauyrjan esımdı azamat: «Bärı oryndy, tek özı kışkentai ǧana Iаnuşkevich köşesın bekerge bırjaqty etken. Al, Abai, Kenesary köşelerımen toqtausyz jürdım. Bır qosarym, «chas-pik» uaqytyndaǧy keptelıstı boldyrmau üşın osy joldardaǧy baǧdarşamdy ūzaǧyraq jandyru kerek siiaqty. Mäselen, 80-90 sekund berse, jol edäuır aşylar edı» degen ūsynysyn aitty.
Qalai degenmen, atalmyş joba köşe-jol qozǧalysy jelısıne tüsetın jüktemenı, sondai-aq, jol apaty oqiǧalaryn azaitudy, kölık qūraldarynyŋ ortaşa jyldamdyǧyn arttyrudy közdeidı.
Sonymen, Astanadaǧy ekı negızgı köşelerdıŋ kölık qozǧalysyna özgerıs engızıldı. Jürgızuşıler üşın būl jaŋalyq qanşalyqty tiımdı bolatynyn, qala tırşılıgıne qanşalyqty äser etetını aldaǧy uaqytta aiqyndala tüspek. Sondyqtan, jaŋa jol qozǧalysyna mūqiiat bol, jürgızuşı demekpız.
Mädina JAQYP
