ABAILAP JÜRGEN ALYSQA BARAR
Jol-kölık oqiǧalary saldarynan kışkentai balalar da zardap şegıp, jaraqat alyp jatady. Mūndai qaiǧyly jaǧdailardyŋ aldyn alu üşın jürgızuşılerdıŋ qyraǧylyǧyn küşeitu paryz. Osy maqsatta Astana qalalyq IID Äkımşılık polisiia basqarmasynyŋ qyzmetkerlerı № 64 orta mekteptıŋ jol qozǧalysy jas inspektorlary jasaǧymen bırlesıp, «Jürgızuşı, jyldamdyqty azait! Alda jaiau jürgınşıler joly!» aksiiasyn bastady.
Jyl basynan berı elordanyŋ tas joldaryndaǧy jol-kölık oqiǧalary saldarynan 80-dei bala türlı jaraqat alyp, üşeuı qaza tapqan. Jaqynda ǧana Astanada jaiau jürgınşıler jolynda mektep oquşysyn kölık qaǧyp ketıp, auyr jaraqattyŋ saldarynan jas ǧūmyr erte soldy. Sondyqtan, polisiia qyzmetkerlerı mūndai oqiǧanyŋ qaitalanuyna jol bermeuge tyrysuda.
Aksiia kezınde mektep oquşylary jol qozǧalysynyŋ jas inspektorlarymen bırge jaiau jürgınşıler jolyna şyǧyp, jürgızuşılerge jyldamdyq tärtıbın saqtaudy eske salatyn jol belgılerın taratady. Olar osylaişa jürgızuşıler nazaryn jol qozǧalysy erejelerın saqtauǧa jäne arnauly jolaqtan jaiau jürgınşılerge, äsırese, balalarǧa jol berudıŋ maŋyzyna audartpaq. Aksiiaǧa qatysuşylar jürgızuşılerge jol qozǧalysy taqyrybyndaǧy suretter men şyǧarmalar jäne jol erejesın eske salatyn aqparattyq kıtapşalar tabystaidy. Olar odan būryn «Jürgızuşı – menıŋ ömırımdı saqta» taqyrybynda ötken baiqauǧa qatysyp, türlı suretter salǧan edı.
Polisiia qyzmetkerlerı būl aksiia jürgızuşılerdı bılım beru mekemelerınıŋ maŋynda jyldamdyq tärtıbın saqtap, jalpy jol jürgende mūqiiat boluǧa şaqyratynyna senımdı.
Meŋdolla NŪRYMŪLY