Soŋǧy jyldary bas qalada abattandyru jūmystary qarqyndy jürızıldı. Qala äkımı Altai Kölgınovtıŋ tıkelei tapsyrmasy boiynşa, būryn syiqy ketken saiabaqtar qaita ajaryn tapsa, qaladaǧy jäne qala şetındegı qarausyz qalǧan jerlerde abattandyru jūmystary jürgızılıp, tūrǧyndarǧa qolaily tynymbaqtarǧa ainaldy. Biyldyŋ özınde qala boiynşa 150 aula men 50 qoǧamdyq keŋıstık abattandyryldy.
Altai Kölgınov qalanyŋ bırqatar aulalarynda jürgızılgen jöndeu jūmystarynyŋ barysymen tanysty. Būl turaly elorda äkımı özınıŋ instagram paraqşasynda jazdy.
Qala äkımı keşkılık aralau barysynda Almaty audanynyŋ bırqatar aulalarynda (Abylai han köşesı, 55, Ǧ.Müsırepov köşesı, 10/3) jürgızılgen jöndeu jūmystaryn öz közımen körıp qaitty.
Ǧ.Müsırepov köşesı, 10/3 būryn qyltany joq batpaq jer ǧana bolatyn. Būl mäselenı audan tūrǧyndary qala äkımıne mälım etkennen keiın atalǧan aumaqta abattandyru jūmystary jürgızılgen bolatyn. Jöndeuden keiın jaŋa aula barlyq jastaǧy tūrǧyndarǧa yŋǧaily boldy. 
Aulada sport türlerımen ainalysuǧa, futbol oinauǧa bolady. Ülken kısıler nemerelerımen uaqyt ötkıze alady. «Almaty audanynyŋ aumaǧynda aldaǧy uaqytta taǧy da bırqatar tynymbaqty abattandyrudy josparlap otyrmyz. Būl audanda biyl abattandyrylǧan aulalar sany 33, aldaǧy uaqytta qala boiynşa 150 aula men 50 qoǧamdyq keŋıstık abattandyryldy. Sondai-aq №37 «Arman» balabaqşasyna kürdelı jöndeu jūmystaryn jürgızemız. Biyl 26 bılım beru nysanyn (mektepter, balabaqşalar, kolledjder) jöndeimız. Bırqatar köppäterlı tūrǧyn üi keşenderıne kürdelı jöndeu jürgızemız. Oǧan «Jūmyspen qamtudyŋ jol kartasy» baǧdarlamasy aitarlyqtai kömektesedı» jazdy Altai Kölgınov.
