Memleket basşysy öz Joldauynda medisinany jaqsartu basty mındet ekenın atap öttı. Memleket tegın medisinalyq kömektıŋ kepıldı kölemın saqtap otyr, al kelesı jyl ışınde 2,8 trln teŋgeden astam qarajat jäne üş jyldyq biudjet şeŋberınde densaulyq saqtau jüiesın damytuǧa taǧy 2,3 trln teŋge bölu josparlanuda. 2020 jyldyŋ 1 qaŋtarynan bastap elımızde mındettı medisinalyq saqtandyru jüiesı ıske qosylady. Öz kezegınde MÄMS jüzege asyru medisinalyq qyzmetterdıŋ sapasyn jaqsartuǧa baǧyttalǧanyn Prezident öz Joldauynda qadap aituy onyŋ maŋyzdy ekenın bıldıredı.
Tegın medisinalyq kömektıŋ kepıldık berılgen kölemın ūsynudyŋ qazırgı jüiesı adamdardyŋ memleketke degen tūtynuşylyq qarym-qatynasynyŋ qalyptasuyna alyp keldı. Adam öz jaǧdaiyna özı jauap beruı tiıs. Bıreudıŋ qamqorlyq jasaǧanyn kütpei, özın-özı qorǧap, densaulyǧyn qadaǧalauy kerek. Iаǧni, kez kelgen uaqytta kömektesuge daiyn jüie kerenaulyq köŋıl-küige aparyp soqtyrady, söitıp, adam densaulyǧyna salǧyrt qarai bastaidy. Mıne, osy sebeptı qoǧamnyŋ saqtandyru medisinasynyŋ maŋyzdylyǧyn tüsınu qajettılıgı tuyndady. Jüienıŋ sapaly jūmysyn qamtamasyz ete alatyn medisinalyq saqtandyru qory mındettı türde jūmys ısteuı tiıs.
MÄMS arqasynda bırneşe aspektılerge jaǧymdy äser etuge bolaryna senımdımın. Bırınşıden, biudjettı ūlǧaituǧa bolady. Būl manipuliasiialar men operasiialar jürgızu üşın zamanaui därı-därmekter men şyǧyn materialdaryn satyp aluǧa mümkındık beredı.
Ekınşıden, qoǧamnyŋ sanasyna äser etedı. Ärkım densaulyǧynyŋ jaǧdaiy öz qolynda ekenın tüsınedı. Mındettı medisinalyq saqtandyru ūǧymy adamdardyŋ sanasynan berık oryn alǧan kezde, körsetıletın medisinalyq kömektıŋ deŋgeiı men sapasy da aitarlyqtai joǧarylaidy, syrqattanu tömendeidı.
Mındettı medisinalyq saqtandyrudy paidalanu – qalypty täjıribe. Ony damyǧan elderde keŋınen qoldanyp keledı. Tūrǧyndardyŋ salyqtary men saqtandyru audarymdary olardy sapaly jäne tiımdı emdeumen qamtamasyz etedı. Men Türkiiada 10 jyldai jūmys ıstedım. Onda bırneşe jüie bar: zeinetaqy qory, äleumettık saqtandyru, orta biznestı saqtandyru jäne basqalary. Är azamat saqtandyrudyŋ qandai da bır tūjyrymdamasyn taŋdauǧa jäne polis aluǧa jarna jasauǧa qūqyly. Olar saqtandyrusyz bırdeŋe talap ete alamyn dep oilamaidy. Sonymen qatar eger adamnyŋ qandai da bır ziiandy ädetterı bolsa, mysaly, temekı şekse, onda ol odan da köp soma audarady.
