Bolat MÜRSÄLIM:
– Körkem ädebietke koniunktura jürmeidı. Ädebiette «koniunkturşik» degen – «halturşik» degen siiaqty auyr söz. Oqyrmannyŋ yǧyna jyǧylyp, ädebi ortanyŋ talǧamyna yŋǧailanyp jazylǧan dünienıŋ ädebi ömırı ūzaq bolmaidy. Sondyqtan jazuşylar naryqty zerttesın degendı asa tüsıne qoimaimyn.
Ädebiet – jan eŋbegı, irrasionaldy qūbylys, tüisık pen sezımge süienedı. Aqyn men jazuşynyŋ da közdegenı basqa. Al naryqty zerttep, segmenttep, öz auditoriiasyna orailap jazu körkem ädebiet emes, kommersiialyq maqsatqa qatysty aitylǧan şyǧar.
Ras, Qazaqstanda bolmasa da, älemde kıtabyn satyp, milliondap aqşa tauyp jatqan jazarmandar bar. Bıraq ädebi qauym köbıne ondai jazarmandy şyn jazuşy sanamaidy. «Eger sonşa aqyldy bolsaŋ, onda nege kedeisıŋ?» degen ölşemmen jazuşynyŋ deŋgeiın ölşeuge bolmaidy. Är närsenıŋ şekarasy bar.
