Qasym-Jomart Toqaev Qazaqstan sudialarynyŋ VIII sezıne qatysyp, delegattar aldynda söz söiledı. Beine konferensiia rejimınde ötken jiynǧa elımızdıŋ bükıl öŋırlerınıŋ sudialary, sondai-aq şeteldık sarapşylar qatysty.
Prezident söilegen sözınde sot törelıgınıŋ ädıl jäne zaŋdy jüzege asyryluyna memleket te, bükıl qoǧam da müddelı ekenın atap öttı.
Qasym-Jomart Toqaev qazırgı pandemiia kezınde elımızdıŋ sot jüiesı kürdelı synaqtan ötkenıne toqtaldy. Onyŋ aituynşa, karantinge qaramastan azamattardyŋ qūqyqtary men bostandyǧyn qamtamasyz etu mäselesı kün tärtıbınen tüsken joq. Aqparattyq tehnologiianyŋ arqasynda sot prosesın qaşyqtan jürgızu formatyna jedel köşırdık. Būl ūtymdy ärı oŋtaily şara boldy.
Sonymen qatar Memleket basşysy qūqyq qorǧau organdary men sottardyŋ jūmysyndaǧy bırqatar kemşılıkterge nazar audardy. Äsırese, būl olqylyqtar pandemiia kezınde anyq baiqaldy.
Qasym-Jomart Toqaev Qazaqstan halqyna arnaǧan biylǧy Joldauynda qūqyq qorǧau jäne sot jüiesın reformalauǧa basa män berılgenın eske saldy. Onyŋ pıkırınşe, sot jüiesındegı üderısterge, eŋ aldymen, azamat, käsıpker, investor müddesı tūrǧysynan qarau kerek.
Memleket basşysy sot jüiesın reformalau salasynda aitarlyqtai ılgerıleu bolu üşın sudialardyŋ käsıbilıgıne, sot törelıgı men sot ısın basqarudyŋ sapasyna negızdelgen tübegeilı jaŋa täsılderge bet būru kerek dep sanaidy.
Qasym-Jomart Toqaev öz sözınde alǧa qoiǧan maqsattarǧa qol jetkızuge mümkındık beretın bırqatar basymdyqtardy aiqyndady.
Qasym-Jomart Toqaevtyŋ aituynşa, ädıl sot törelıgı jäne azamattardyŋ sot bilıgıne degen senımın arttyru mındettı şart bolu kerek.
– Otandyq jäne halyqaralyq sarapşylar sudialardyŋ älı de bolsa, sottar men sot alqalarynyŋ töraǧalaryna täueldı dep sanaidy. Būl – tiımsız täjıribe. Būdan qūtylu qajet. Sudialardyŋ qūqyq qorǧau organdaryna täueldılıgı – tüitkıldı mäsele. Sudialardyŋ täuelsızdıgıne qatysty eşkımde kümän bolmauǧa tiıs. Azamattar, käsıpkerler jäne investorlar qazaqstandyq sudialardyŋ beitarap ärı ädıl şeşım şyǧaratynyna senımdı boluy tiıs, – dedı Memleket basşysy.
Sonymen qatar Prezident sudialarǧa BAQ jäne äleumettık jelıler tarapynan qysym jasalatyn jaǧdailardyŋ da kezdesetınıne nazar audardy.
– Tergeu älı jalǧasyp jatatyn, ıstıŋ sotqa berılmegen kezderı bolady. Al keibır jurnalister men blogerler jaǧdaidy uşyqtyryp, sot şeşımın aldyn ala boljai bastaidy. BAQ-tyŋ jariialylyǧy, aşyqtyǧy sotqa qysym jasau qūraly retınde mülde paidalanylmauy tiıs. Ädıldık sot zalynda jäne sot prosesınıŋ qorytyndysy boiynşa ǧana ornauy kerek, – dedı Qasym-Jomart Toqaev.
Memleket basşysy käsıbi sudialar korpusy barşa sot reformalarynyŋ şeşuşı faktory ekenın atap öttı.
Memleket basşysy sot üderısterın oŋtailandyru jäne dau-damailardy şeşu barysynda bıtımgerşılık tetıkterın engızu mäselesıne de nazar audardy. Osy mäselenıŋ maŋyzy sot üderısınde biurokratiianyŋ aldyn aluǧa mümkındık beredı. Būl rette, sot ısındegı räsımderdı şekten tys reglamentteu prosesterdıŋ ūzaqqa sozyluyna alyp keledı jäne qoǧam tarapynan ädıl synǧa ūşyraidy.
Memleket basşysy sözın qorytyndylai kele, atalǧan mındetterdı tiımdı şeşu arqyly sot jüiesındegı oŋ özgerısterge qol jetkızuge bolatynyn jäne azamattardyŋ sotqa degen senımı arta tüsetının atap öttı.
