Keşe Baiqoŋyr audany äkımdıgınıŋ ūiymdastyruymen 8 nauryz – Halyqaralyq äielder künıne orai «Älem äieldermen äsem» atty merekelık şara öttı.
Elordanyŋ damuy men güldenuı jolynda är salada tabandy eŋbek etıp kele jatqan äielder qauymyn merekemen qūttyqtau maqsatynda ötken şarany audan äkımı Erlan Jaulybaev özı jürgızıp, altyn qūrsaqty analarǧa «Altyn», «Kümıs» alqalaryn tabystady.
«Danalyqtyŋ qajetı joq syilau üşın anany!» degen Mūqaǧali Maqataevtyŋ keremet sözı bar. Ananyŋ qūdıretı şeksız, onyŋ aldynda barşa halyq bas ietını bärımızge aian. Erte zamanda jaulasqan jūrttyŋ ortasyna, aq jaulyqty ana oramalyn tastaǧanda, soǧys toqtap, ekı jaq bıtımge kelgen eken. Dästürımızdı saqtap kele jatqan äiel zatyn qadırleitın halyqpyz. Qazaq ūlty ärqaşan qyz balany qūrmettep, alaqanyna salyp aialap otyrǧan. Būl saltymyz är otbasynda zaŋdylyqqa ainalǧan. «Ana» degen qasterlı sözdı estıgende tebırenbeitın jürek, tolqymaityn köŋıl bolmaidy. Sondyqtan būl kezdesu «Älem äieldermen äsem» dep atauǧa äbden laiyq» dedı ol.
Būdan bölek, qūqyq qorǧau qyzmetkerlerı men kommunaldyq salada eŋbek etıp kele jatqan qyzmetkerler äkımnıŋ alǧys hatymen marapattalady.
Şaraǧa memleket jäne qoǧam qairatkerı, QR Bılım jäne ǧylym ministrlıgı Qoǧamdyq keŋesınıŋ müşesı, bılım beru ısınıŋ qūrmettı qyzmetkerı Äsima Bimendina, QR eŋbek sıŋırgen ärtısterı Maira Iliiasova, Baǧdat Sämedinova, Sveta Aitbaeva, elordalyq belgılı telejürgızuşıler men jurnalister, 2022 jyly ötkızılgen «İnkliuziia hanymy-2022» jeŋımpazy, sondai-aq, basqa da qoǧam qairatkerlerı men elordanyŋ damuy jolynda eŋbek etıp kele jatqan näzık jandylar, audan belsendılerı, erekşe bala tärbielep otyrǧan analar men är sala ökılderı qatysty.
