Biyl qazaqstandyqtar alǧaş ret Äkeler künın atap öttı. Osyǧan orai, elordadaǧy Botanikalyq baqta Aqparat jäne qoǧamdyq damu ministrlıgı men qala äkımdıgı «Äke – otbasynyŋ tıregı» atty mereke ūiymdastyrdy.
Is-şaraǧa Aqparat jäne Qoǧamdyq damu ministrı Darhan Qydyrälı, Altyn Qyran Foundation qoǧamdyq qorynyŋ qamqorşylar keŋesınıŋ töraǧasy İslambek Saljanov, Respublikalyq ardagerler keŋesı töraǧasynyŋ bırınşı orynbasary Ömırzaq Ozǧanbaev, «Äkeler odaǧy» respublikalyq qoǧamdyq bırlestıgınıŋ töraǧasy Maqsūtbek Aitmaǧanbet qatysyp, jūrtşylyqty merekemen qūttyqtady.
– Bügın bız elımızdegı Äkeler künın alǧaş ret atap ötıp otyrmyz jäne būl künı är şaŋyraqta jaŋa dästür qalyptasady degen oidamyn. Äke bolu degenımız – balaǧa jaqsy dos, serıktes bolu jäne otbasylyq mındetterdı bölıse atqaru. Äkeler bala tärbiesımen ainalysyp jäne olarǧa qamqorlyq körsete bılse, balanyŋ jan-jaqty damuyna oŋ äser etıp qana qoimai, otbasyn nyǧaityp, erlı-zaiyptylar arasyndaǧy jauapkerşılıktıŋ bırkelkı bölınuıne yqpal etetını belgılı. «Otan – otbasynan bastalady» degen jaqsy söz bar. Sol otbasynyŋ tıregı – otaǧasy, qaraşaŋyraqtyŋ iesı – äkeler. Äkelerımız myqty bolǧandyqtan, bızge osynau ūlan-ǧaiyr dala mūra bolyp qalǧan. Äke, ata ūǧymynda kie men qasiet bar. Ata-jūrt, Atameken deuımızdıŋ syry – osynda. Tuǧan topyraq atanyŋ, ananyŋ esımımen tıkelei bailanysty. Qolyna qalam ūstaǧan kez kelgen azamat ata-ana turaly tolǧaidy. Äkelerge arnalǧan mereke otbasy qūndylyqtaryn damytatyny sözsız» dedı Darhan Qydyrälı.
Ükımettıŋ qaulysymen bızdıŋ elımızde būl mereke endı jyl saiyn mausymnyŋ üşınşı jeksenbısınde atalyp ötıletın boldy.
– Äkeler künı köptegen Aziia elderınde bar. Bız osyndai merekenı özımızde ūiymdastyrudy şeştık. Sebebı qazaqtardyŋ otbasyndaǧy äkenıŋ rölı ärqaşan maŋyzdy bolǧan. Er adam özı üşın ǧana emes, äielı men balalary üşın de jauap beredı. Ol otbasynda negızge tırek bolyp tabylady. Alaida ata-ana tärbiesımen negızınen, analar ainalysady, al bız būǧan er adamdar da belsendı qatysqanyn qalaimyz, – dedı Maqsūtbek Aitmaǧanbet.
