Äkım tūrǧyndarmen kezdestı
![](https://astana-akshamy.kz/wp-content/uploads/2023/06/355277189_208258335504306_4085878009214453361_n-780x470.jpg)
Astana qalasy äkımı Jeŋıs Qasymbek elordanyŋ Almaty audanyna qarasty Oŋtüstık-Şyǧys şaǧyn audanynyŋ tūrǧyndarymen kezdestı.
Būl şaǧyn audanda 80 myŋnan astam adam tūrady. Tūrǧyndar injenerlık jelıler, joldar, äleumettık nysandar salu, abattandyru, avtobus sanyn arttyru, internet sekıldı özge de mäselelerdı köterdı.
– Būl şaǧyn audandaǧy basty mındet – injenerlık jelıler men joldar salu, abattandyru. Bız eŋ bırınşı kezekte osy jūmystardy oryndaimyz. Sondai-aq Oŋtüstık-Şyǧysta mektep salynady.
Balalardyŋ bos uaqytyn tiımdı ötkızuı üşın arnaiy oryndar aşu maŋyzdy ekenın eskere otyryp, aulalar men qoǧamdyq keŋıstıkter, sol siiaqty dene şynyqtyru-sauyqtyru keşenderın salamyz. Balalardy köbırek qamtu üşın üş jyl ışınde 15 Oquşylar saraiyn saludy josparlap otyrmyz. Olardyŋ beseuınıŋ qūrylysy küzde bastalady. Onyŋ bırı Oŋtüstık-Şyǧys şaǧyn audanynda ornalasady.
Biyl jalpy qala boiynşa 6 myŋǧa juyq äleumettık päter, 11 mektep, 150-den astam aula men qoǧamdyq keŋıstık saludy, 400-ge juyq avtobus jäne t.b. ıske qosudy josparlap otyrmyz.
Köterılgen mäselelerdı şeşu jūmysy qolǧa alyndy. Şaǧyn audandar men eldı mekenderdı jūmys kestesıne säikes damytatyn bolamyz, – dedı qala äkımı.