Astana qalasynyŋ 2023-2025 jyldarǧa arnalǧan biudjetı jobasynda äleumettık sala şyǧystary 258,3 mlrd teŋgenı nemese biudjettıŋ 49 paiyzyn qūraidy.
Qalalyq mäslihattyŋ äleumettık-mädeni damu mäselelerı jönındegı tūraqty komissiianyŋ otyrysynda būl turaly baiandaǧan Ekonomika jäne biudjettık josparlau basqarmasynyŋ basşysy Qaisar Maŋqaraev osy salaǧa jauapty basqarmalardyŋ aldaǧy üş jyldyq biudjetıne toqtaldy.
Jiyn barysynda olardyŋ qajettılıkterı turaly aitylyp, mäslihat deputattary saualdardy qoiyp, ūsynystaryn jetkızdı.
Dene şynyqtyru jäne sport basqarmasy basşysynyŋ mındetın atqaruşy Erkeǧali Kärıbozov jergılıktı deŋgeide sporttyq jarystardy ötkızuge, ärtürlı sport türlerı boiynşa respublikalyq jäne halyqaralyq jarystarǧa ūlttyq qūramy müşelerın daiyndap, qatystyruǧa qosymşa qarjy kerektıgın aitty. Sportşylardyŋ kiımderıne, qūral-jabdyqtaryna da bölıngen qarjy jetkılıksız ekenın atap ötıp, ǧimarattardy jalǧa aluǧa, «Arǧymaq» at-sporttyq sauyqtyru keşenıne, «Artsport» jobasyna da qosymşa qarajat kerek eken.
Jūmyspen qamtu jäne äleumettık qorǧau basqarmasynyŋ basşysy İlia Skub atalmyş basqarma 7,5 mlrd teŋge kölemınde qosymşa qarjylandyrudy qajet etetının jetkızdı. Sonyŋ ışınde qaladaǧy tört Belsendı ūzaq ömır süru ortalyqtarynyŋ ǧimarattaryn jalǧa aluǧa, atauly jäne merekelık künderge tölem jasauǧa, qoǧamdyq kölıkte jeŋıldıkpen jüretınderdıŋ jolaqysyn töleuge, tıstı protezdeu qyzmetıne, mümkındıgı şekteulı jandar men erekşe qajettılıkterı bar balalardyŋ bırqatar mūqtajdyqtaryna, tūrǧylyqty jerı joq adamdardy äleumettık beiımdeu ortalyǧyn jöndeuge, jūmyspen qamtu ortalyǧy qyzmetkerlerınıŋ jalaqysyn köteruge qosymşa qarjy kerek.
Bılım basqarmasynyŋ basşysy Qasymhan Senǧazyev Kültegın köşesındegı 240 oryndyq balabaqşany satyp aluǧa, 8 bılım nysanyn kürdelı jöndeuge, 72 mektepaldy ūiymyn abattandyruǧa, balabaqşalardy aǧymdaǧy jöndeuge, mektepterdıŋ mūqtajdyqtaryna qosymşa qarjylandyru kerektıgın jetkızdı.
Mädeniet basqarmasynyŋ basşysy Sanat Şapaşov «Naz» memlekettık bi teatrynyŋ körermender zalyn jöndeuge, E.Rahmadiev atyndaǧy Memlekettık akademiialyq filarmoniia ūjymdaryna jailardy jalǧa aluǧa, M.Gorkii atyndaǧy Memlekettık akademiialyq orys drama teatry ǧimaratyn kürdelı jöndeudı aiaqtauǧa qosymşa qarjy kerek ekenın aitty. Astanalyq sirk jyl boiy jūmys ısteu üşın «Şapito» sirkın satyp almaq. Oǧan da qarjy qajet.
Tılderdı damytu jäne arhiv ısı basqarmasynyŋ basşysy Säken Esırkep Jazuşylar odaǧynyŋ qalalyq filialy 50 kıtap şyǧaruǧa qarjy sūraǧanyn aita kele, osy mäsele qosymşa qarjylandyrudy qajet etetının jetkızdı.
Qoǧamdyq densaulyq saqtau basqarmasy basşysynyŋ orynbasary Saltanat Aldabergenova 10 densaulyq saqtau nysanyn kürdelı jöndeuge qosymşa qarjy sūrady.
Osy oraida otyrysty jürgızgen mäslihat deputaty Azamat Aithojin «Küigenjar», «Michurin», «Uchhoz» tūrǧyn alaptarynda medisina kabinetterı joǧyn aita kele, būl mäselenı «Üi janyndaǧy därıger» jobasy aiasynda şeşudı ūsyndy.
Mäslihat deputaty Erlan Däkenov eskı №2 jäne №3 orta mektepterde sport zaldardyŋ joǧyn aityp, osy bılım oşaqtarynyŋ mäselesın köterdı. Deputat Bauyrjan Janqonaqov Astananyŋ Quyrşaq teatrynyŋ ǧimaraty mädeni oşaq talaptaryna säikes kelmeitının aityp, teatrdy keŋ ǧimaratqa köşırudı ūsyndy. Oǧan Sanat Şapaşov būl mäsele qarastyrylyp jatqanyn jetkızdı.
