Elordanyŋ №28 mektep-liseiınde respublikalyq «Oquǧa qūştar mektep» jobasy aiasynda belgılı aqyn, ūstaz, filologiia ǧylymdarynyŋ kandidaty Oŋaigül Tūrjannyŋ şyǧarmaşylyǧyna arnalǧan ädebi-sazdy keş öttı. Şaranyŋ maqsaty – öskeleŋ ūrpaqtyŋ boiyna ūlttyq qūndylyqtardy darytu, balalardy körkem ädebiet oquǧa baulu.
Keşke №28 mektep-liseiınıŋ joǧary synyp oquşylary, Astana qalasy Bılım basqarmasy jalpy orta bılım berudıŋ mazmūny men ädısteme bölımınıŋ basşysy Asyl Amangeldıqyzy, Astana qalasy Ädıstemelık ortalyqtyŋ basşysy Syndar Däueşova, aqyn, QR bılım beru ısınıŋ qūrmettı qyzmetkerı Baianǧali Ǧalymjanūly, L.Gumilev atyndaǧy Euraziia ūlttyq universitetınıŋ aǧa oqytuşysy Seiılbek Asanov qatysty.
Mektep oquşylary Oŋaigül Tūrjannyŋ şyǧarmalaryn mänerlep oqyp, körermenderdı daryndylyǧymen täntı ettı. Sahnaǧa şyqqan oquşylar arasynda orys tılınde bılım alyp jürgen özge ūlt ökılderı de boldy.
Oquşylarǧa arnaǧan sözınde aqyn jastardyŋ talpynysyna rizaşylyǧyn bıldırdı. Şäkırtterdıŋ mänerlep oqu deŋgeiın joǧary baǧalaǧan Oŋaigül Iztūrǧanqyzy: «Sızder jas bolsaŋyzdar da, tereŋ oily öleŋ joldarynyŋ maǧynasyn tüsınıp oqyǧandaryŋyz bırden baiqaldy. Öte äserlı boldy. Būl ärkımnıŋ qolynan kele bermeidı» dedı. Aqynnyŋ aituynşa, jastar – bızdıŋ erteŋımız emes, bügınımız. «Jastardyŋ jarqyn ideialary, jaŋaşa formatta oilau qabıletı bızge ülgı» dep qorytyndylady aqyn.
Mektep oquşylary önerde jan-jaqtylyǧyn körsetıp, än de aitty, bi de biledı, küi de şerttı. Bi tobynyŋ körermenderge arnaǧan qoiylymy da erekşe boldy. Keş qonaqtary №28 mektep-lisei ötkızgen būl ıs-şara respublikalyq «Oquǧa qūştar mektep» atty jobanyŋ jüzege asuyna ülken üles qosqanyn atap öttı.
– Şaraǧa qatysyp jatqan balalarǧa rizamyn. Öleŋ joldaryn oqyǧan balalardyŋ da, körermen retınde qatysyp otyrǧan balalardyŋ da şynaiy nietı möltıldegen közınen-aq körınıp tūr. Būl – qazaq ädebietıne, qazaq tılıne degen ülken qūrmet. Barşamyz ädemı, joǧary deŋgeide ūiymdastyrylǧan şaranyŋ kuägerı bolyp otyrmyz. Mūndai ıs-şara eŋbek täjıribemde soŋǧy 15 jylda bırınşı ret ötkızılıp otyr, – dedı Astana qalasy Bılım basqarmasy jalpy orta bılım berudıŋ mazmūny men ädısteme bölımınıŋ basşysy Asyl Amangeldıqyzy.
Ädebi-sazdy keştı ūiymdastyryp, qazaq tılıne degen qūrmettı arttyru jūmysyna belsendı qatysyp jürgen mekteptıŋ qazaq tılı sabaǧynan beretın ūstazdaryna erekşe qūrmet körsetıldı. Olardyŋ ışınde 20 jyldan astam uaqyt boiy ūstazdyq etıp jürgen Gülnär Baimūratova da bar.
Mektep basşylyǧynyŋ aituynşa, mektepte qazaq ädebietı men önerın därıpteitın ıs-şaralar tızbegı mūnymen toqtamai, älı de jalǧasyn tabady.
Aisamal Äbılhan
