Aqmolalyqtar aeroplandy alǧaş ret 1930 jyly kördı. Qala üstın bırneşe ret ainalyp, şetkerı tūrǧan eskı diırmennıŋ maŋyndaǧy jazyqtyqqa kelıp qonǧan ūşaqqa bala-şaǧa, ülken-kışı tūra jügıredı.
Olarǧa qyzyq! Äueden jerge qonyp tūrǧan qanatty tehnikany tūŋǧyş köruı. Bırınşı bolyp jetken balalarǧa jap-jas ūşqyş jıgıt qolyn köterıp, amandasady.
Mıne, sol kezden bastap Esıldıŋ jaǧasyndaǧy osy şaǧyn şahar men basqa qalalardyŋ arasynda äue qatynasy bırtındep ornai bastaidy. 1934 jyly alǧaşqy äuejai salynady. Qatynas odan ärı jandanyp, poşta men jeŋıl jük tasityn ekı kısılık ūşaqtar äuejaiǧa qonuyn jiıletedı.
Al 1966 jyly qazırgı äuejai salynyp, paidalanuǧa berılıp, selinogradtyqtar üşın halyqaralyq äue qatynasyna da keŋınen jol aşylady.
Būl suret 1986 jyly tüsırılgen. Almaty qalasyna ūşatyn reiske jolauşylardy otyrǧyzu sätı.
