Keşe Astanada S.Seifullin atyndaǧy Qazaq agrotehnikalyq universitetınıŋ 60 jyldyq mereitoiyna arnalǧan saltanatty şara öttı. Oǧan Bolgariia, İtaliia, Resei, Belarus, Polşa, Germaniia, Vengriia, Qytai, Moŋǧoliia elderınen kelgen qonaqtar jäne Qazaqstandaǧy bırqatar elşılıkter ökılderı qatysty. Saltanatty şara «Qazaqstan» ortalyq konsert zalynda ötken merekelık konsertke ūlasty. Universitettıŋ mereitoiyna orai joǧary oqu ornynyŋ rektory, auyl şaruaşylyǧy ǧylymdarynyŋ doktory, professor Aqylbek Kürışbaevtyŋ maqalasyn nazarlaryŋyzǧa ūsynamyz.
1957 jyly KSRO Ministrler Keŋesınıŋ qaulysymen alǧaş ret Aqmola jerınde joǧary oqu ornyn qūru turaly şeşım şyǧaryldy. Sol şeşımnıŋ negızınde qazırgı S.Seifullin atyndaǧy Qazaq agrotehnikalyq universitetı qūryldy. Sonau Keŋes däuırınen universitetımız Arqa tösınde auyl şaruaşylyǧyna qajettı mamandar daiyndap, bügıngı täuelsızdıgımızdıŋ jarqyn jyldarynda respublikadaǧy ırgelı joǧary oqu ornyna ainalyp otyr.
Qazırgı uaqytta universitettıŋ 9 fakultetınde bakalavriattyŋ 37 mamandyǧy, magistraturanyŋ 31 mamandyǧy, doktoranturanyŋ 19 mamandyǧy boiynşa 11 myŋnan astam student bılım aluda. Professorlyq-oqytuşylar qūramy – 916 adam. Olardyŋ 78-ı ǧylym doktory bolsa, 28-ı – PhD doktory, al 376-sy ǧylym kandidaty därejesıne ie.
60 jyldyq tarihynda oqu ornymyzdan auyl şaruaşylyǧy salasy boiynşa 65 myŋnan astam maman bılım alyp şyqsa, olardyŋ barlyǧy derlık elımızdıŋ är öŋırınde beldı qyzmetter atqaryp jür. Arasynan köptegen jetekşı ǧalymdar, auyl şaruaşylyǧy öndırısınıŋ ırı ūiymdastyruşylary, Sosialistık Eŋbek Erlerı men Qazaqstannyŋ Eŋbek Erı, elımızdıŋ qoǧam jäne saiasi qairatkerlerı şyqqan.
Öz kezeŋınde universitet ǧalymdarynyŋ däleldemelerı negızınde Qazaqstan astyǧyn eksporttau mäselesı jönındegı tyŋ bastamalar jüzege asyryldy. Sol däiektemeler nätijesınde elımız astyq eksporty boiynşa älemnıŋ köşbasşy elderdıŋ bırıne ainaldy. Universitetımız täuelsız Qazaqstan ekonomikasynyŋ agrarlyq sektoryn qalyptastyryp,
damytuǧa teŋdessız üles qosyp kele jatqanyn maqtanyşpen aita alamyz.
2014 jyly oqu ornymyzdy zertteu universitetıne köşıru jūmystaryn bastadyq. Bız būl baǧytta agrarlyq bılım men ǧylym salasynda älemde köşbasşy bolyp sanalatyn Chili, Malaiziia, Vetnam jäne Qytai elderınıŋ agrarlyq bılım men ǧylym jüiesın zerttep, oŋ täjıribege ie bolǧan Devistegı (AQŞ) Kaliforniia zertteu universitetımen serıktestık bailanys ornattyq. Alǧaşqy qadamymyz oqytuşylarymyzdy atalǧan oqu ornynyŋ jäne älemdegı basqa da jetekşı universitetterdıŋ bazasynda oqytudan, olardy taǧylymdamadan ötkızuden bastaldy.
Bız şeteldık professorlardyŋ tıkelei kömegımen jäne eŋbek naryǧyndaǧy sūranystardy eskere otyryp, jaŋadan 6 bılım beru baǧdarlamasyn äzırledık, al keleşekte 62 bılım baǧdarlamasyn äzırleu jäne engızu mındetı tūr. Oqytu jüiesınıŋ täjıribege baǧyttaluyn küşeittık. Studentterdıŋ öndırıstık ıs-täjıribesınıŋ ūzaqtyǧy
3 aidan 7 aiǧa deiın ūzartyldy, auylşaruaşylyǧy mamandyqtary boiynşa oqu üderısı jazǧy mausymǧa auystyryldy, iaǧni auylşaruaşylyq jūmystardyŋ
mausymymen üilestırıldı.
Soŋǧy jyldary 58 bılım beru baǧdarlamasy üş tıldılıkke köşırıldı. Būl baǧyt boiynşa 126 oqytuşy nemese professorlyq-oqytuşylar qūramynyŋ 14 paiyzy aǧylşyn tılınde därıs beredı. Osy bır tyŋ özgerıstıŋ arqasynda ǧylymmen ainalysatyn oqytuşylar men studentterdıŋ sany ekı esege ösıp otyr. Nätijesınde Web of Science basylymdarynda şyqqan ǧylymi taldamalyq maqalalar sany 18 esege köbeidı. Mūny universitetımız ǧylymi-täjıribelık baǧytqa bet būrǧandyǧynyŋ aiqyn dälelı dep bılgen abzal.
Bırneşe jyldyŋ ışınde universitetke şamamen 1,1 mlrd teŋge kölemınde investisiia tartylyp, jaŋa bılım men tehnologiialardy transfertteu men beiımdeudıŋ tört halyqaralyq ortalyǧy aşyldy. Aitylǧan şaralardyŋ nätijesınde bızdıŋ oqu ornymyz älemdık QS reitingı boiynşa dünie jüzınıŋ üzdık 800 universitetı jäne QS EECA reitingı boiynşa Şyǧys Europa men Ortalyq Aziianyŋ üzdık 200 JOO qataryna kırdı. Būl – älemdık deŋgeidegı bılım men ǧylymdy jan-jaqty ūştastyryp otyrǧandyǧymyzdyŋ aiǧaǧy.
QazATU bazasynda zertteu universitetın qūru elımızdıŋ Agroönerkäsıptık keşenın damytudyŋ 2017-2021 jyldarǧa arnalǧan memlekettık baǧdarlamasynda qarastyrylǧan. Qazırgı taŋda universitettıŋ damu baǧdarlamasy äzırlenıp, müddelı ministrlıkterdıŋ qoldauyna ie bolyp otyr. Baǧdarlamany ıske asyrudyŋ ıs-şaralar jospary Auyl şaruaşylyǧy ministrınıŋ būiryǧymen bekıtılıp, ony universitet ūjymy jüzege asyruǧa kırısıp te kettı. Aldaǧy uaqytta osy baǧdarlamalardyŋ oŋ nätijesın köremız degen senım mol.
Aqylbek KÜRIŞBAEV,
S.Seifullin atyndaǧy Qazaq agrotehnikalyq universitetınıŋ rektory, auyl şaruaşylyǧy ǧylymdarynyŋ doktory, professor
