Aq qan auruyna şaldyqqan astanalyq baldyrǧan Aikünım Sailau 4 jasta ǧana. Qazır ol Türkiianyŋ Ystambūl qalasynda em qabyldap jatyr. Em-şara qomaqty qarjy – 210 myŋ dollardy qajet etedı. Al ata-anasynyŋ qaltasy kötermeidı. Osyǧan deiın ömırı qyl üstınde tūrǧan balanyŋ emıne aqşa jinau maqsatynda «Jaqsylyqta jarysaiyq» atty qaiyrymdylyq järmeŋkesı, sporttyq şaralar ūiymdastyryldy. Alaida emge jetetın soma jinalmai qaldy. Sosyn ötken seisenbı künı «Astana» konsert zalynda «Aikünım, sen üşın» qaiyrymdylyq konsertın ötkızuge tura keldı.
@HELP_AIKUNYM – İnstagramdaǧy paraqşasy
«Aikünım 3,5 jasynan bastap auyrdy. Bastapqyda qandai auru ekenı anyqtalmady. Biylǧy qaŋtarda ǧana diagnoz qoiyldy. Sodan bastap emdeletın jerdı ızdei bastadyq. Astananyŋ bırqatar emhanalarynda bızge kvota kütu kerektıgı jönınde aityldy. Ol bırneşe aiǧa sozylyp ketuı mümkın. Al bızdıŋ kütetın uaqytymyz joq. Türkiia tez qabyldaityn bolǧan soŋ osy eldı taŋdadyq. Sebebı Oŋtüstık Koreia ekı apta kütsın dedı. Germaniiadan aldymen aqşany jıberıŋızder, sosyn bıraq kelıŋızder degen jauapty estıdık. Ol kezde jaǧdaiymyz bolǧan joq. Al Türkiia bırden kelıŋızder dep aitty. Aqşany da bölıp-bölıp töleuge rūqsat berdı» deidı Aikünımnıŋ anasy Almira Ysqanova.
Onyŋ aituynşa, qaiyrymdylyq konsertın ūiymdastyruǧa Astana äkımdıgı qoldau körsettı. Osy konserttıŋ ötuıne Qazaq radiosynyŋ «Jan jyluy» baǧdarlamasynyŋ jürgızuşısı Aqbaian Saparbai atsalysty.
«Keide «äkımdık nege kömektespeidı?! Bilıkke bızdıŋ ünımız jetpeidı» degendı jiı estimız ǧoi. Olardyŋ bızdı estitın kezderı bolady eken. Aikünımnıŋ anasy Astana qalasynyŋ äkımdıgıne baryp, kömek sūrady. Al sol jerdegıler Astanadaǧy maŋdaialdy zaldardyŋ bırı – «Astana» konsert zalyn tegın berıptı. Onyŋ bır kündık arendasyn şamalaisyzdar ǧoi. Sondyqtan, būl – ülken kömek. Bırqatar änşıler de būl bastamany qoldady. Öz basym Roza Älqojaǧa bırauyz aityp edım, ol: «Ärine, osyndaiǧa barmaǧanda?» dep bırden kelıstı» deidı ol.
Sol siiaqty konsertte Nūrlan men Mūrat, Aigül İmanbaeva, Nūrlan Älımjan, Möldır Äuelbekova, aǧaiyndy Jügınısovter, Şaharizat, Seidahmet, Aikünım üşın än saldy. Küişı Aibek Bekbosyn men saksafonşy Nina Moiseeva öner körsettı.
Almira Ysqanovanyŋ sözınşe, Aikünımnıŋ emıne qarjy jinau maqsatynda 30 mamyr künı de «Qazmedia» ortalyǧynyŋ konsert zalynda qaiyrymdylyq konsertı ötedı. Sol üşın anasynyŋ atalmyş ortalyqtyŋ basşylyǧy men kelısımın bergen änşı-muzykanttarǧa da alǧysy şeksız. Konserttıŋ bastalatyn uaqytyn älı qosymşa habarlaimyz. Al oǧan deiın kömek beremın deitınder 8 702 260 53 17 telefon nömırıne, Aikünımnıŋ anasyna habarlasuyna bolady.
Amanǧali QALJANOV
