«Aimaq» jeŋıldıgı bar kölık kartasyn paidalanuşylar qala maŋy baǧdarlarynda tegın jüredı. Būl karta Aqmola oblysy boiynşa Selinograd jäne Arşaly audanynda, Qosşy qalasynda tırkelgen jeŋıldık sanatyna jatatyn azamattarǧa berıledı.
«Jeŋıldıgı bar kölık kartalaryn şyǧaru jäne beru audandyq äkımdıkter ūsynatyn derekter bazasyna säikes jürgızıledı. Mälımet aiyna 2 ret jaŋartylady. Azamat bazada bolmasa, onda oǧan mälımetterdı naqtylau üşın jergılıktı atqaruşy organǧa jügınu ūsynylady.
Jeŋıldıgı bar kölık kartasyn şyǧaru üşın R.Qoşqarbaev daŋǧyly, 50/1 mekenjaiynda ornalasqan ortalyq kassaǧa baru qajet. Qajettı qūjattar: JSN bar jeke kuälıktıŋ tüpnūsqasy, zeinetaqy kuälıgınıŋ tüpnūsqasy, jeŋıldık sanatyn rastaityn qūjat jäne 3h4 foto.
Kartanyŋ bastapqy şyǧaru qūny – 1000 teŋge, qaita şyǧaru – 2000 teŋge» delıngen habarlamada.
«Aimaq» jeŋıldıgı bar kölık kartasyn paidalanuşylar qala maŋy baǧdarlarynda ǧana tegın jüredı. Paidalanuşy qalalyq baǧdarlarda jüru üşın jeŋıldıgı bar kölık kartasynyŋ teŋgerımın tolyqtyra alady.
