«Ainalaiynnyŋ» asuy
«Astana» konsert zalynda «Ainalaiyn» balalar horynyŋ 20 jyldyǧyna orai «Abyroiy asqaq, «Ainalaiyn!» atty şyǧarmaşylyq keşı öttı. Jastar jylynyŋ aiasynda ötken konserttı qalalyq Bılım basqarmasy men №2 öner mektebı ūiymdastyrdy.
Qostanai qalasynda qūrylyp, elordaǧa köşken «Ainalaiyn» balalar hory bas qalada ötetın maŋyzdy şaralardan tys qalǧan emes. Mäselen, VII qysqy Aziia oiyndarynyŋ aşylu saltanatyna, täuelsızdıgımızdıŋ 20 jyldyǧyna arnalǧan merekelık şaraǧa qatysty.
Respublikalyq jäne halyqaralyq baiqaularda talai ret top jardy. Atap aitqanda, byltyr
İspaniianyŋ Lloret de Mar qalasynda ūiymdastyrylǧan «Fiestalonia – Mediterranean Legends» halyqaralyq baiqauynda bırınşı oryndy ielendı.
Horǧa №2 öner mektebınıŋ direktory, mädeniet salasynyŋ üzdıgı Gülmira Jangeldıqyzy jetekşılık etedı. «Ainalaiyn» balalar horynyŋ basty maqsaty – qazaq tılındegı balalarǧa arnalǧan avtorlyq änderdı oryndau jäne balalar änderın nasihattau» deidı ol.
Mereitoilyq konsertte estradalyq-simfoniialyq orkestrdıŋ süiemeldeuımen «ainalaiyndyqtar» jandy dauysta än saldy. On minuttyq derektı filmdı tamaşalaǧan körermender öner ūjymynyŋ tarihymen, şyǧarmaşylyǧymen tanysty. «Golos. Deti» reseilık telejobasynyŋ jeŋımpazy Erjan Maksim keştıŋ arnaiy qonaǧy boldy. Hordyŋ 2001, 2015 jylǧy tülekterı qūttyqtap kelıp, än salyp berdı.
Sondai-aq, konsertke Ūlyqpan Joldasov, Aigül İmanbaeva, Qairat Baekenov, Nūrǧali Tūrlybekov syndy tanymal änşıler, «Şaşu» bi toby qatysty.