Ūstazdar merekesı qarsaŋynda elordanyŋ eŋ üzdık mūǧalımderı men bılım mekemelerı Astana qalasynyŋ äkımı İmanǧali Tasmaǧambetovtyŋ qolynan arnaiy jülde men marapat aldy.
–Ūstaz degen qaşan da qasterlı ūǧym, – dedı mereke ielerın qūttyqtaǧan elorda äkımı. – «Bır ärıptı üiretken adamǧa qyryq jyl taǧzym et» degen söz bar. Alǧaş ret qolyŋa qalam ūstatqyzyp, älıppenı üiretken ūstazdy halqymyz ärqaşan qūrmet tūtqan. Özım de qai salada, qandai qyzmettıŋ tızgının ūstasam da, alǧaşqy eŋbek jolymdy ūstazdyqtan bastaǧanymdy eşqaşan ūmytqan emespın. Sızderdıŋ el bolaşaǧy – bılımdıde bılıktı ūrpaq tärbieleudegı eŋbekterıŋız ūşan-teŋız. Osy oraida, äsırese, elordalyq mūǧalımderdıŋ jauapkerşılıgı ülken. Elbasy da Astananyŋ bılım salasyna airyqşa köŋıl bölıp, özderıŋızge ülken senım artyp otyr.
İmanǧali Nūrǧaliūly atap ötkendei, qiyndyǧy men qyzyǧy astasyp jatatyn ūstaz mamandyǧynaqandai qūrmet te jarasady. Mūǧalım märtebesın köteru, olardy qoldap-qolpaştau tūrǧysynan Astana özgelerge önege körsetıp keledı. Elordada jyl saiyn ötkızılıp, eŋ üzdıkterdı anyqtaityn baiqaular – sonyŋ bır aiǧaǧy. Būl saiystarǧa tıgıletın syiaqy – ūstazdar men mektepterge ülken kömek.
2008 jyldan berı ūiymdastyrylyp kele jatqan «Eŋ üzdık mektep» baiqauynyŋ biylǧy jeŋımpazy retınde Raiymbek batyr atyndaǧy №50 «Qazǧaryş» mektep-liseiı tanyldy. Olarǧa Astana äkımınıŋ kubogy men 13 mln teŋgenıŋ granty tabystaldy. Endı būl bılım oşaǧynyŋ eŋ üzdık on mūǧalımınıŋ eŋbekaqysyna 50 paiyz üsteme qosylady.
Būdan bölek, oqu jylynyŋ qorytyndysy boiynşa üzdık şyqqan bırqatar bılım mekemelerı 5 myŋ AQŞ dollaryn qūraityn granttarǧa ie boldy. Atap aitqanda, №8 «Duman» balabaqşasy – «Eŋ üzdık balabaqşa», Kölık jäne kommunikasiia kolledjı – «Eŋ üzdık kolledj», «Arman» sporttyq sauyqtyru lagerı – «Üzdık qosymşa bılım beru mekemesı», kämelettık jasqa tolmaǧan balalardyŋ «Pana» üiı – «Üzdık arnaiy bılım mekemesı» atandy.
Biyl osy saiystarǧa alǧaş ret «Köşbasşy mektep» nominasiiasy qosyldy. Būl qūrmettı ataqty soŋǧy on jyldan astam uaqyt boiy jetıstıkterımen közge tüsıp, är oqu jylynyŋ qorytyndysynda alda kele jatqan №38 mektep-lisei enşıledı.
Ūstazdardyŋ töl merekesınde olardyŋ äleumettık jaǧdaiy da eskerusız qalǧan joq. Būl joly Astana qalasynyŋ äkımı elordalyq 10 ūstazǧa päter kıltın tabys ettı. Olardyŋ qatarynda №32,58 mektep-gimnaziialarynyŋ qazaq tılı men ädebietı pänınıŋ mūǧalımderı Qyzǧaldaq Äbdırahanova men Saǧila Aitmaǧanbetova, №56,18 mektepterdıŋ fizika pänınıŋ mūǧalımderı Marusia Äşırova men Gülnär Ysqaqova, №53,23 mektepterdıŋ matematikterı Gülnar Mendıbai men Baqytjan Nürkeev, №38 mektep-liseidıŋ tehnology Roza Älımsaeva, №51 mektep-gimnaziianyŋ geografiia mūǧalımı Aisūlu Zermūhamedova, №7 mektep-gimnaziianyŋ dene şynyqtyru pänınıŋ mūǧalımı Düriiaş Ramberdieva men №27 mektep-liseidıŋ himigı Sälima Faizullinalar bar.
