Jyl saiyn Qala künı merekesınde elordada «Aziia jaŋǧyryǧy» atty halyqaralyq sirk festivalı ötedı. Biyl būl baiqau 12-märte bairaǧyn köterdı. Sol qyzyqty dumanǧa «älemnıŋ eŋ taŋdauly äzılkeşı» atanǧan Charli Chaplinnıŋ balasy, 65 jastaǧy Iýdjin Chaplin qonaq bolyp keldı. Būl kısı qazır Halyqaralyq kinoakademiia festivalınıŋ prezidentı, sirk festivalderınıŋ kreativtı direktory, belgılı dybys rejisserı jäne prodiuser bolyp qyzmet atqarady. Bız osy mädeni şara aiasynda äigılı tūlǧanyŋ ūlymen kezdesıp, az-kem äŋgımelesken edık.
– Iýdjin myrza, sızdıŋ äkeŋızdıŋ önerın jūrtşylyq jaqsy bıledı. Ol kısı ömırde qandai adam boldy?
– Äkem turaly köp dünie aituǧa bolady. Men üşın onyŋ orny bölek. Äkem ömırde adamdardy öte jaqsy kördı. Äsırese talantty jandardy erekşe qadırledı. Mysaly, ol ataqty ǧalym Albert Einşteinmen kezdesken. Äkem, negızı, adamnyŋ miy qalai jūmys ısteitındıgıne taŋǧalatyn. Ol özı «adamnyŋ basty qūraly – miy» dep aitatyn. Jäne özı öner adamy bolǧandyqtan jan düniesı öte näzık edı. Älemde qandai bır apattar, jaǧymsyz oqiǧalar bolyp jatsa, sony uaiymdap, mazasyzdanyp otyratyn.
– Keide ataqty adamdardyŋ balalary äkesınıŋ jolyn quyp, daŋqyn asyryp jatady. Sızde ondai oi bolǧan joq pa?
– Şynymdy aitsam, mende äkemnıŋ jolyn quyp, akter bolaiyn degen oi bolǧan emes. Bıraq maǧan ol «qandai mamandyqty taŋdasaŋ da öz ısıŋnıŋ şeberı bol» degen naqyldy jiı aitatyn. Bügınde äkem tūrǧan üi ülken muzeige ainaldy. Oǧan keluşıler köp. Äkem tūtynǧan jädıgerlerdı közımen körıp, ömır jolymen tanysyp, taŋǧalyp jatady. Qazır osy mūrajaiǧa bas-köz bolyp otyrmyn. Jalpy, men öner jolynan alys emespın. Sol salada qyzmet ısteimın. Biyl äkemnıŋ tuǧanyna 130 jyl toldy. Ol kısı 1977 jyly 88 jasynda dünie saldy. Odan berı de qyryq jyldan astam uaqyt öttı. Sonda da Qazaqstanda äkemnıŋ önerın qūrmetteitınder köp eken. Men osyǧan riza boldym.
– Sızdı sirk önerımen ne bailanystyrady?
– Būl önerdı ömırımnıŋ bır arnasy dep bılemın. Sondyqtan ony jaqsy köremın. Ony kino salasynyŋ jalǧasy dep aituǧa bolady. Sahnadaǧy sirk ärtısterınıŋ şeberlıgıne qalai täntı bolmaisyz?! Būdan bölek, muzykalyq industriiamen ainalysamyn. Şou-baǧdarlamalarmen şūǧyldanamyn.
– Ömırde nenı joǧary baǧalaisyz?
– Menıŋ jan düniem optimizmge jaqyn. Qolymnan kelgenşe quanyp jüruge tyrysamyn. Jaryq düniede maǧan otbasymnan, balalarymnan, jūmysymnan qymbat eşnärse joq. Bır sözben baqyttymyn dep aita alamyn.
– Qandai armanyŋyz bar?
– Adamdar armandy arǧymaqqa teŋep jatady. Sonda da özım bastaǧan jobalarymdy soŋyna deiın aiaqtasam deimın. Qazır ünemı oiymnan bır joba şyqpai jür. Mysaly, ǧimaratqa keşkı as ışuge kelgen adamdarǧa ötken ǧasyrdyŋ 20-jyldaryndaǧy şou-baǧdarlamalardy körsetkım keledı. Şynymen de, būl öte qyzyqty baǧdarlama bolar edı. Sondai-aq äkemnıŋ önegelı ısın odan ärı jalǧap, onyŋ esımı halyqtyŋ jüregınde ūzaq saqtalsa dep armandaimyn.
– Äŋgımeŋızge raqmet!
