Qala basşysy Altai Kölgınov apta saiyn tūrǧyndardy onlain qabyldaidy. Mūndai kezdesuler köptegen tüitkıldı mäselelerdıŋ jauabyn aluǧa mümkındık beredı.
«Tūrǧyndardy apta saiyn qabyldaimyz. Juyrda jeke qabyldauǧa jazylǧan 12 adamdy qabyldadym. Şamamen 30 sūraq qamtyldy. Negızgı mäselelerdıŋ qataryna tūrǧyn üi baǧdarlamalaryna qatysu, äleumettık, medisinalyq kömek körsetu, eldı mekenderdı damytu, jūmysqa ornalasuǧa kömektesu, abattandyru mäselelerı jäne taǧy basqalar jatady. Osy baǧyttar boiynşa jüielı jūmys jürgızıp jatyrmyz» dep mälım ettı Altai Kölgınov.
Elorda äkımı qabyldauda qoǧamdyq keŋıstık mäselesınıŋ köterılgenın aitty. «Qabyldauda qoǧamdyq keŋıstıkter mäselesı de köterıldı. Qala tūrǧyndardyŋ qatysuymen damuda. Mysaly, «Biudjetke qatysu» jobasy aiasynda biyl 50-den astam aula abattandyryldy. Jobaǧa qalanyŋ barlyq audandary qatysady. «Biudjetke qatysu» jobasy tūrǧyndarǧa aulasynyŋ qandai bolatynyn şeşuge mümkındık beredı. Ekı jyldyŋ ışınde qalada 400 aula men qoǧamdyq keŋıstık (saiabaqtar, skverler, bulvarlar) salyndy» dedı qala basşysy.
