Şahar basşysy Baqyt Sūltanov atap aitqandai, äkımdıkter jūmysy aşyqtyqqa negızdelgen. Qalanyŋ kez kelgen tūrǧyny özın tolǧandyrǧan mäselesımen äkımdıkter kömegıne jügıne alady. Qala äkımı būl jūmysty odan ärı damytu maqsatynda «Aşyq esık» aptalyǧyn ūiymdastyrudy tapsyrdy.
– Barlyq azamattar özderın tolǧandyrǧan mäseleler boiynşa ötınışterın jetkızu üşın audan äkımderı uäkılettı organdarmen bırlesıp, «Aşyq esık» aptalyǧyn ötkızsın. Bırde-bır mäsele äkımdık nazarynan tys qalmasyn. Äsırese, köpbalaly otbasylarǧa kömek körsetu kerek, – dedı şahar basşysy.
Ötken aptada elordanyŋ tört audanynyŋ äkımderı jergılıktı bilıktıŋ qoldauyn qajet etetın köpbalaly otbasylarmen kezdesu ötkızgen. Atqarylǧan jūmys turaly olar qala basşysyna esep berdı.
Almaty audanynda qazırgı taŋda tūratyn 4543 köpbalaly ananyŋ 49-y atauly äleumettık kömek alady. Audan äkımınıŋ apparatyna 8-11 aqpan aralyǧynda memlekettık organdar qabyldauyna 73 adam keldı. Onyŋ 38-ı – köpbalaly otbasylardyŋ müşelerı. Jaqyn arada äkımdık
qyzmetkerlerı taǧy 28 köpbalaly otbasyna barady.
Äkımdıkke kelgenderdıŋ 85 paiyzdan astamy baspana mäselesın qozǧady. «Barlyq mäsele boiynşa tüsınıktemeler men ūsynystar berıldı. Kömekke mūqtaj azamattar esepke alyndy» dedı audan äkımı Ädılbek Särsembaev.
Baiqoŋyr audanyndaǧy köpbalaly otbasylardyŋ bır apta ışınde anyqtalǧan mäselelerı boiynşa tömendegıdei kömek körsetıldı: 16 otbasyǧa azyq-tülık berıldı; 8 otbasy kömırmen qamtamasyz etılıp, är otbasyǧa 2 tekşe metr aǧaş tüsırıldı. Sonymen qatar, köpbalaly otbasylardan şyqqan 22 balaǧa demeuşılerdıŋ kömegımen kiım äperıldı.
«Jeke üilerde tūratyn ekı otbasy ört qaupın habarlau dabylyn ornatuǧa niet bıldırdı. Jastar jyly aiasynda 7 bala aqysyz negızde jeke balabaqşalarda oqityn bolady. Jalpy alǧanda, 24 otbasyna kömek berıledı» dedı audan äkımı Erlan Qanalimov.
Esıl audanynyŋ äkımı Tölegen Zakarianovtyŋ aituynşa, apparat qyzmetkerlerı kömektı qajet etetın 25 adamnyŋ tızımın jasady. «Negızınen, tūrǧyndardy baspanaǧa ie bolu, äleumettık kömır alu, järdemaqy mölşerın arttyru, mektepterde tegın tamaqtanu, qoǧamdyq kölıkte balalarǧa jeŋıldıkpen jol jüru biletterın beru, tūrǧyn üidı alu kezınde tırkeu jäne demeuşılık kömek körsetu mäselelerı alaŋdatty. Azamattarǧa özderın tolǧandyrǧan mäseleler boiynşa zaŋnama tüsındırıldı» dedı T.Zakarianov.
Saryarqa audanynda köpbalaly otbasylardy qabyldau 8 aqpanda bastaldy. Olardyŋ barlyǧy telefon qoŋyrauy arqyly qabyldauǧa şaqyryldy. Qabyldauǧa 127 adam, sonyŋ ışınde 74 ata-ana keldı. 12 adam kezdesuden bas tartty. Tızımnen tys qabyldauǧa 53 adam keldı. Barlyq sūraq boiynşa qajettı aqparat berılıp, mäselelerdı şeşu joldary körsetıldı.
«Qabyldau barysynda 286 ötınış kelıp tüstı. Olardyŋ basym bölıgı tūrǧyn üi beruge qatysty boldy. Osy 2-3 kün ışınde 14 otbasyǧa tegın kömır jetkızılse, 30 otbasy azyq-tülıkpen qamtamasyz etıldı. Barlyǧyna kömek körsetemız» dedı audan äkımı Arman Tūrlybek.
Audan äkımderınıŋ baiandamalaryn tyŋdaǧan Baqyt Sūltanov olardyŋ köpbalaly otbasylarǧa kömek körsetu jūmysyna oŋ baǧa berıp, būl mäselenı tiımdı şeşu kerektıgın atap öttı.
