Osy aptada Astana qalasynyŋ prokuraturasy on tört jekemenşık balabaqşaǧa tekseru jūmystaryn jürgızdı. Nätijesınde olardyŋ toǧyzynan sanitarlyq jäne ört qauıpsızdıgı erejelerın öreskel būzu faktılerı anyqtaldy. Sondai-aq, mektepke deiıngı tärbie beru jäne oqytu mekemelerı ornalasqan ǧimarattardyŋ ışkı jaǧdaiy, aulasy talapqa sai bolmai şyqty.
«Osyǧan säikes, balabaqşalardyŋ ekeuı jabyldy, bıreuınıŋ qyzmetı toqtatylu satysynda, endı bırınıŋ qyzmetı uaqytşa toqtatyldy» dep habarlaidy qalalyq prokuraturanyŋ baspasöz qyzmetı.
Gülmira JOLTA BAROVA , Astana qalasynyŋ tūrǧyny:
Memlekettık balabaqşanyŋ kezegı kelgenşe ekıden asqan qyzymdy aiyna 40 myŋ teŋge tölep, Energetik şaǧyn audanynda ornalasqan «Aqbūlaq-2 Astana» jekemenşık balabaqşasyna berdım. Alǧaşynda jap-jaqsy baryp-kelıp jürgen. Bıraq köp ūzamai «balabaqşaǧa barmaimyn» deitın boldy. Taŋerteŋ balabaqşaǧa jaqyndaǧannan baqyryp jylaityn ädettı şyǧardy. Qyzymdy äkelgen saiyn baiqaitynym, as bölmenı, balalardyŋ jatyn bölmesın körgısı keletın ata-analardy tärbieşıler «onda ata-analardyŋ kıruıne rūqsat joq» dep esıktıŋ auzynan qaitarady. Bır künı oiyn bölmesıne basa-köktep kırıp bardym. Söitsem, bükıl toptyŋ balalaryn bır zalǧa jinap oinatady eken. Arasynda kışısı de, ülkenı de bar. Bölmenıŋ ışı şaşylyp jatyr, esık-terezelerınäbden şaŋ basqany körınıp tūr. Qyzymnyŋ ne üşın kelmeimın deitının sonda tüsındım. Sosyn mekemenıŋ basşysymen söilestım. Onyŋ aituynşa, bar kınä menıŋ qyzymda körınedı. Balabaqşaǧa baratyn bala emes eken. «Qanşama jyldyq täjıribemde mūndai balany körgen emespın. Būl balanyŋ balabaqşaǧa üirenıp ketuı mümkın emes. Qyzyŋyzdy bala baǧuşy jaldap, üide ūstaǧanyŋyz dūrys» dedı. Qanşama bylyqtaryna özım kuä bolǧan soŋ, Bılım basqarmasyna şaǧym tüsırdım, olar tiıstı jazasyn bergen bolulary kerek. Qazır qyzym №47 «Aq jelken» memlekettık balabaqşasyna baryp jür. Tärbieşılerı men tobyna tez bauyr basyp kettı. Bärı de jaqsy. Jekemenşık balabaqşalardyŋ bärıne bırdei sene beruge bolmaitynyna osylaişa közım jettı.
Külaiym ALPYSBAEVA , qala tūrǧyny:
Menıŋ balamnyŋ №55 «Qaraqat» balabaqşasyna baryp jürgenıne 2 jyldai uaqyt boldy.
Balabaqşa «Balapan» baǧdarlamasy aiasynda boi kötergen. Aşylǧan uaqyttan berı ata-analar tarapynan aitarlyqtai şaǧym, narazylyq bolyp körgen joq.
Özım osy balabaqşada kır juuşy bolyp jūmys jasaimyn. Bır ūjymda jürıp baiqaǧanym, tärbieşılerdıŋ bılımı men bılıgı öte joǧary. 240 oryndyq balabaqşada 24 arnaiy bılımı bar tärbieşı, 12 tärbieşı kömekşısı qyzmet etedı. Köbısı – eŋbek ötılı joǧary jandar. Ata-ana retınde balabaqşanyŋ jabdyqtaluy da köŋılımnen şyǧady. Än-küi, dene şynyqtyru zaldary bölek-bölek ornalasqan. Balalardyŋ salauatty ömır süruıne arnalǧan basseinı de bar.
Biyldan bastap balabaqşa öz şäkırtterın Mariia Montessori pedagogikasy boiynşa tärbieleudı Astanada alǧaş bolyp täjıribesıne engızdı. Būl üşın arnaiy kabinetter de jabdyqtalǧan.
Memlekettık balabaqşalarda elın süietın ūrpaq tärbielenıp jatyr dep senımmen aita alamyn.
