Soŋǧy uaqytta telefon alaiaqtary eldıŋ aqşasyn aldap alu üşın kurerlerdı paidalanatyn jaǧdailar jiılep kettı, dep habarlaidy astana-akshamy.kz
Mäselen, olar ärtürlı saittarǧa kurerlık jūmys ūsynyp, belgılı bır aqyǧa qylmystyq jolmen alynǧan qarajatty audaru turaly jarnamalardy jariialap otyrǧan.
Sondai oqiǧanyŋ bırınde Astanada bır alaiaq telefon arqyly jäbırlenuşıge habarlasqan. Ony «qyzyŋyz adam qaǧyp kettı, ol kısı qaitys boldy, ıstı oŋ şeşu üşın aqşa qajet» dep aldaǧan eken.
Osyndai shema boiynşa 2 jäbırlenuşını aldap, 1 mln teŋgeden astam qarajatty iemdenıp ketken.
Al kurer retınde elordanyŋ 27 jastaǧy tūrǧynyn jaldaǧan. Naqtyraq, ol özı Telegram-arnasy arqyly habarlandyrudy tauyp habarlasqan, osylaişa qylmystyq toptyŋ sybailasy bolǧan.
Ol aqşany alyp, özıne sonyŋ 10%-yn qaldyryp, qalǧan somany beimälım adamdardyŋ şotyna jıberıp otyrǧan.
Sot ükımımen sottaluşydan jäbırlenuşılerdıŋ paidasyna materialdyq şyǧyn öndırıldı.
Ükım zaŋdy küşıne endı.
Qylmystyq toptyŋ qalǧan müşelerın jauapkerşılıkke tartu üşın barlyq şaralar jasalyp jatyr.
