Astanada alǧaş ret 25-26 tamyz aralyǧynda «Astana Vine Fest» atty jastar festivalı ötedı. Elımızdıŋ eŋ tanymal vainerlerı özara jarysqa tüsıp, üzdıkter anyqtalatyn bolady.
– Elbasymyz «Bolaşaqqa baǧdar: ruhani jaŋǧyru» atty maqalasynda jastarǧa naqty mındetter men maqsattardy jüktedı. Prezident qoǧam sanasynyŋ ruhani jaŋǧyruyn bırneşe baǧyttarǧa bölıp, qai-qaisynda da jastarǧa zor ümıtın bıldırdı. Sondyqtan bız, jastar, 21 ǧasyrǧa laiyqty qasietterdı qalyptastyryp, bolaşaqqa ūmtyluymyz kerek.
Özderıŋız bıletındei, bügınde jastar arasynda «vain» degen baǧyt keŋınen taralyp keledı. Sol sebeptı, Astana qalasy Jastar saiasaty mäselelerı basqarmasy elordada «Astana Vine Fest» atty vainerlerdıŋ jastar festivalın ūiymdastyrudy ūiǧardy. Būl jobanyŋ maqsaty – jas buyn ökılderıne qoldau körsetu, sondai-aq, ruhani jaŋǧyru taqyrybyn därıpteu, – deidı basqarmanyŋ bas mamany Almat Dosqaliev.
Baiqau şarty boiynşa vainerler üi tapsyrmasy retınde Prezident N.Nazarbaevtyŋ «Bolaşaqqa baǧdar: ruhani jaŋǧyru» atty maqalasyna vain (beinerolik) tüsıruı kerek. Ötınımder 20 tamyzǧa deiın 5 atalym boiynşa qabyldanady. Kelıp tüsken jūmystarǧa «Qazaqstan» RTRK bas prodiuserı, KVN oiynşysy Nūrlan Qoianbaev bastaǧan top qazylyq etedı.
Al «Halyq taŋdauy» atty atalymda körermen köŋılınen şyqqan vainge VineFest.kz saitynda dauys bere alady. Ūiymdastyruşylar äuesqoilarǧa da arnap baiqau jariialady. Qatysam deuşıler «Astana jastary», «Smile Astana», «EKSPO-2017» halyqaralyq mamandandyrylǧan körmesı jäne elorda jaily bır minuttan aspaityn vain tüsırıp, ony instagram äleumettık jelısınde jariialauy kerek. Üzdık dep tanylǧan jūmysqa arnaiy syilyqtar taǧaiyndalǧan.
Festival ekı künge jalǧasady. Baǧdarlama aiasynda qatysuşylar «EXPO-2017» körmesıne saiahat jasap, demeuşılermen, EXPO erıktılerımen jäne aula klubtarynyŋ tärbielenuşılerımen kezdesedı. Üzdıkterdı marapattau saltanaty qazaqstandyq estrada jūldyzdarynyŋ qatysuymen bolatyn konsertte ötedı.
Köpşılıktıŋ közaiymyna ainalǧan «Yuframe», «Jokeasses», «4juniors», «XAXA Show», «Queex» syndy vain toptary men Nūrlan Batyrov, Jeŋıs Omarov, Naǧima Ahmetova, Bırjan Äşım syndy vainerler özara bäsekege tüsedı dep kütılude. Jarysta «Jyldyŋ üzdık vainerı», «Üzdık er adam rölı», «Üzdık äiel adam rölı», «Üzdık epizodtyq röl» degen atalymdar bar. Jeŋımpazdarǧa 500 myŋ teŋge syiaqy taǧaiyndalyp, atauly statuetkalar tabystalady. Būǧan qosa olar aituly syilyqtar men EXPO körmesıne ekı bilettı ūtyp alady.
Güldana
Talǧatqyzy
