Älemnıŋ jetekşı alaŋdarynda el mädenietı keŋınen tanylyp jatyr
Qazaq jazuşylary men muzykanttaryn şetelde tanytu, «Ruhani jaŋǧyrudyŋ» jaŋa kezeŋderı, osy auqymdy memlekettık baǧdarlamany jüzege asyru turaly QazAqparat tılşısıne QR Prezidentı Äkımşılıgınıŋ Işkı saiasat bölımınıŋ meŋgeruşısı Aida BALAEVA aityp berdı.
– Aida Ǧalymqyzy, osydan bıraz būryn sız Fransiia, Ūlybritaniia men İspaniia elderınde bolyp, sol jaqtaǧy beldı baspalardyŋ basşylarymen kezdesıp, otandyq avtorlardyŋ kıtabyn şyǧaruǧa kelısıp keldıŋız. Qol jetkızılgen kelısım turaly tolyǧyraq aityp bere alasyz ba?
– «Jahandyq älemdegı zamanaui qazaqstandyq mädeniet» tobynyŋ jūmys nätijesı jaily qysqaşa aita keteiın. Qazırgı taŋda jüielı türde bızdıŋ ädebiettıŋ, muzyka men beineleu önerınıŋ, horeografiia, kino men teatrdyŋ jetıstıkterın şetelde nasihattau jūmysy jüielı jürgızılıp jatyr. Ärbır baǧyt boiynşa naqty nätije bar. Tarqata aitqanda, «Ädebiet» baǧyty boiynşa Memleket basşysynyŋ tapsyrmasymen BŪŪ-nyŋ alty tılıne audaru üşın otandyq avtorlardyŋ tuyndylarynyŋ ırıkteuın jürgızdık.
Jūmystyŋ äu basynda avtorlar men tuyndylardyŋ köp ekenın eskere otyryp, belgılı jazuşylarmen, synşylar jäne ädebietşılermen aqyldasa kele, bız «Qazırgı qazaqstandyq ädebiettıŋ antologiiasy» türınde proza men poeziia janry boiynşa audarma jasaudy jön dep taptyq. Jobany tiımdı ärı tolyǧymen jüzege asyru üşın kelıssözder jürgızıp, älemdegı jetekşı baspalar jäne audarma üilerımen yntymaqtastyq turaly kelısımge keldık.
Strategiialyq ärıptesterımızdıŋ ışınde – «Britan keŋesı» men Kembridj universitetı, İspaniia Mädeniet ministrlıgı men «Servantes instituty», Fransiiadaǧy Mişel de Mol Ūlttyq kıtap jäne baspa ortalyǧy bar.
Juyq arada Reseidegı, Qytai men Arab Ämırlıkterındegı ärıptesterımızben däl osyndai kelısımderge qol qoiylady.
Joba aiasynda audarylǧan kıtaptardy atalmyş tört elde ǧana emes, audarma tılı qoldanylatyn basqa jaqtarda da taratu boiynşa auqymdy jūmys kütıp tūrǧanyn aita ketu kerek.
Mäselen, fransuz tılındegı oquşy auditoriianyŋ özı ärtürlı esepterdı alyp qaraǧanda 220 million adamǧa deiın jetedı. Al ispan tılınde söileitınderdıŋ sany tıptı 600 millionǧa deiın barady.
Audarylǧan kıtaptardyŋ taratyluy kommersiialyq negızde de, ǧylymi-zertteu ortalarynda da jüzege asyrylady.
Sondyqtan keŋ auqymdaǧy oquşy auditoriiasyn tartudy közdegen jobanyŋ keleşegı zor.
– Qazaq tılındegı ädebi kıtaptardyŋ älemnıŋ basqa tılderıne audaru jūmysy qalai jürgızıledı? Osynau maŋyzdy jūmysty atqara alatyndai bılıktı mamandar bar ma?
– Ädebi audarma – būl kürdelı şyǧarmaşylyq prosess. Qajettı audarmaşylyq baza bızde qūrylyp ta qoiǧan.
Bızdıŋ halyqaralyq jobanyŋ közqarasy boiynşa Ūlttyq audarma biurosynyŋ mındetı – sapaly jolma-jol audarmany daiyndau. Sonyŋ negızınde bızdıŋ ärıptester ädebi mätınderdı äzırleidı. Būl rette bız tuyndylardy tek memlekettık tılden audaratynymyzdy aita ketkım keledı.
Şyǧarmaşylyq erekşelıktı dälme-däl oqyrmanǧa jetkıze bılu maqsatynda bız avtorlarymyz ben şeteldık audarmaşylardyŋ, baspagerlerdıŋ kezdesuın ūiymdastyrǧaly otyrmyz. Būl öz kezegınde mädeni dialogty bır jolǧa qoiyp, şet memlekettermen mädeni bailanysty nyǧaituǧa jol aşady.
– Kıtaptardy älemdık tılderge audarudan basqa «Qazırgı qazaqstandyq mädeniettı şetelde nasihattau» aiasynda taǧy qandai jobalar qolǧa alynǧaly jatyr?
– Jüzege asyrylyp jatqan baǧyttardyŋ ärbırı boiynşa bızde naqty nätije bar.
Tolyǧyraq aitar bolsaq, körkem öner salasynda QR Mädeniet jäne sport ministrlıgı jelısı boiynşa QR Ūlttyq muzeiınıŋ, Ä.Qasteev atyndaǧy öner mūrajaiynyŋ şeteldık ekspozisiialyq jobalaryn jüzege asyru jūmysy jalǧasyn tabatyn bolady. Jyl basynan berı «Altyn adamnyŋ älem muzeilerıne sapary», «Euraziia köşpendılerı», «Aziia men Europanyŋ toǧysynda» atty köşpelı körmeler AQŞ, Britaniia, Qytai, Belarus, Äzerbaijan men özge de memleketterdıŋ jetekşı alaŋdarynda bolyp öttı.
Būl rette aimaqtyq muzeiler jūmysynyŋ belsendılıgın erekşe atap ötu kerek. Olar özderınıŋ eŋ üzdık qoryn el ışı men şetelderdegı körme üşın daiyndap otyrady.
Muzei eksponattaryn sifrlandyru jūmysy da jalǧasuda. Ä.Qasteev atyndaǧy öner mūrajaiynda 14 myŋ dana, al 3D modelı boiynşa 100 dana müsın sifrlandyryldy. QR Ortalyq memlekettık muzei qorynda saqtauda tūrǧandardyŋ sany 40 myŋǧa tarta danaǧa jetedı.
Sifrlandyru tūrǧysynan aimaqtarda da jūmys jürgızılıp jatyr. Tarqata aitqanda, Qostanai, Aqtöbe, Atyrau jäne özge de oblystarda muzei qorlarynyŋ 20 paiyzy sifrlandyrylyp qoiǧan.
Dästürlı jäne klassikalyq muzyka baǧyty boiynşa şyǧarmaşylyq ūjymdardyŋ gastroldık jūmysy da jalǧasyn tabuda. İtaliia, Resei, Ūlybritaniia elderınde aimaqtyq teatrlar önerın paş ettı. «I am a singer Qazaqstan» halyqaralyq telejobasynyŋ ekınşı mausymy bastalyp kettı.
Astana men Almaty qalalarynda dästürlı türde älemnıŋ 15 elınıŋ qatysuymen «Astana dauysy», «Star of Asia» atty muzykalyq festivalderı ūiymdastyryldy.
Teatr önerınıŋ jetıstıkterın ary qarai jalǧastyru üşın «Qyz Jıbek», «Bırjan-Sara» ūlttyq operalaryn Resei, İtaliia, Fransiia, Türkiia, Qytai, Japoniia, Koreia Respublikasy, Gruziia men özge de memleketterde qoiu josparlanǧan.
Kino önerı salasyndaǧy aituly oqiǧa retınde 71-şı Kann festivalınde qazaqstandyq pavilonnyŋ aşyluyn aita ketuge bolady. 2018 jyldyŋ basynan berı qazaqstandyq 18 film 14 halyqaralyq kinofestivalge qatysty. 11 jüldege qol jetkızıldı.
Osy jyldyŋ mausym aiynda İtaliiada jäne Estoniiada Qazaqstan kinolary künı bolyp öttı. Jyldyŋ soŋyna deiın däl osyndai aituly şaralardy Tailand Koroldıgınde, Chehiiada, Slovakiiada, Rumyniia men özge de memleketterde ötkızu közdelgen.
Jalpy mädeniet pen önerdıŋ barlyq baǧyty boiynşa bızdıŋ memleket özın älemnıŋ jetekşı alaŋdarynda paş ettı. Bızdıŋ strategiialyq maqsat – jahandyq mädeni keŋıstıkke integrasiialanu.
– Sız «Jahandyq älemge qazırgı qazaqstandyq mädeniettı nasihattau» baǧytynyŋ kuratorysyz. Şyǧarmaşylyq adamǧa, jazuşy nemese muzykantqa, suretşıge atalmyş baǧytta eŋbegın paş etu üşın ne ısteuı kerek? Öner adamdary özderın qalai körsete alady?
– Qazırgı qazaqstandyq mädeniet turaly aityp otyrǧandyqtan, bızdıŋ basty mındetterdıŋ bırı – Täuelsızdık jetıstıgın tanyta otyryp, bızdıŋ el ışındegı talanttardy qoldau. Şyǧarmaşylyq bırlestıkter jürgızetın barlyq jūmys öner ökılderı özderı qoiǧan naqty talaptardyŋ negızınde äzırlenedı. Mıne, sondyqtan jobaǧa kez kelgen şyǧarmaşylyq adamynyŋ qatysuǧa mümkındıgı bar. Būl tek bır sättık emes, ūzaq merzımdı prosess ekenın aita ketsem deimın. Memleket basşysy qamqorlyǧy nätijesınde mädeniet pen öner ökılderı öz önerlerın älemdık deŋgeige şyǧaruǧa mümkındık alyp otyr.
– Osy jyldyŋ aqpan aiynda Sız öŋırlerdegı jas jazuşylardy jıgerlendırudı maqsat tūtqan «Ädebi beldeu» jobasynyŋ bastalǧanyn jariia ettıŋız. Qazırgı uaqytta ol joba qalai jüzege asyrylyp jatyr?
– «Ädebi beldeu» el öŋırlerı turaly türlı mälımetterdı jüielendırıp, aimaqtyŋ erekşelıgın paş etıp jürgen, tarihi özgeşelıgın jyr etken daryndy ärı talapty jazuşylardy bırıktırudı maqsat tūtady.
Bügıngı taŋda eluge tarta zamandas jazuşylardan qūrylǧan köşpelı top jasaqtaldy. Olar elımızdıŋ ärtürlı aimaqtaryna baǧyt alatyn bolady.
Jergılıktı ädebi bırlestıktermen bırlese otyryp, jazuşylar aimaqtardaǧy tarihi derekterdı, kielı oryndardy jäne öŋırdıŋ özge de bıregei erekşelıkterın zertteitın bolady.
«Ädebi beldeu» elımızdıŋ mädeni astanasy – Almatydan bastau alyp, jyl soŋyna deiın elımızdıŋ barlyq oblysyn qamtidy. Avtorlardyŋ eŋbekterı «Tuǧan jer» ensiklopediiasynda jinaqtalady. Būl öz kezegınde atqarylǧan jūmysty jüielendıruge mümkındık beredı.
– Sız sonymen bırge «Ruhani jaŋǧyru» baǧdarlamasynyŋ jobalyq keŋsesıne jetekşılık etesız. Qazırgı taŋda atalmyş qūrylym qandai jūmystar atqaryp jatyr? Qoǧamdyq sanany jaŋǧyrtu baǧdarlamasyn jürgızu baǧytynda qandai da bır jetıstıkter turaly ne aitar edıŋız?
– Jobalyq keŋse – «Ruhani jaŋǧyru» baǧdarlamasynyŋ negızgı üilestıruşısı. Jobalyq ädıs barlyq aimaqtar men müddelı memlekettık organdardyŋ jūmysyna naqty algoritm beruge jol aşty.
Bügıngı taŋda Qoǧamdyq damu ministrlıgı qyzmetınıŋ auqymy keŋeiıp kele jatqanyna bailanysty Keŋse belsendı transformasiiadan ötıp jatyr. Bızdıŋ jūmystyŋ basty nätijesı – naqty jobalar men BAQ-tyŋ barlyq türı boiynşa öte auqymdy aqparattyq qoldau.
Memleket basşysynyŋ bastamasymen qolǧa alynǧan baǧdarlamanyŋ barlyq baǧyty halyqtyŋ zor qoldauyna ie boldy. Mıne, qazırgı taŋda bız ortaq jūmysymyzdyŋ naqty nätijelerın körıp otyrmyz. Būl baǧytta paş eterlık jobalardyŋ bırı – «Tuǧan jer».
Joba jüzege asa bastaǧaly berı demeuşıler men mesenattardyŋ kömegı arqyly 17 mektep, 62 balabaqşa, 36 mädeniet, 23 densaulyq saqtau, 169 sport nysany, 32 balalar alaŋy salyndy.
Būl jetıstık, jeke bastamalardy aitpaǧanda, ıske asyrylǧan şarua. Odan bölek, demeuşılerdıŋ arqasynda synyptardy kompiutermen qamtamasyz etu, aulalardy abattandyru sekıldı qanşama jūmys atqaryldy. Mūndai igı jetıstıkter älbette keleşektegı jaŋa jobalar boiynşa köŋılge quanyş pen jıger ūialatady.
– Al Sız jeke özıŋız «Tuǧan jer» baǧdarlamasyna qatystyŋyz ba? Tuǧan jerıŋızdı qoldau baǧytynda qolǧa alǧan şarualaryŋyz bar bolar?
– Qoǧamdyq maŋyzy bar jobalardyŋ bärınde jeke qatysudyŋ maŋyzy öte erekşe. Qoǧamdyq sanany jaŋǧyrtu baǧdarlamasy būl rette jeke bastamalarǧa erekşe alaŋ aşyp beredı. Özımız körıp otyrǧandai, joǧaryda atalǧan jobalardyŋ qai-qaisysy da bükılhalyqtyq qoldauǧa ie bolyp otyr.
Jeke özımnıŋ ülesım retınde balalarǧa arnalǧan «Qyzyr qonǧan qūt meken» atty ǧylymi-tanymdyq kıtaptyŋ jaryq köruın atap ötuıme bolady. Būl kıtap menıŋ tuǧan jerımnıŋ tarihy turaly jazylǧan. Ol arqyly balalar Almaty oblysy Jambyl audanynyŋ barlyq eldı mekenınıŋ tarihyn bıle alady.
Eŋ bırınşı kezekte būl kıtap ösıp kele jatqan jas buynǧa arnalǧan. Balalar öz tuǧan jerınıŋ tarihy, onyŋ kielı oryndary men ūly adamdary turaly bıluı kerek. Kıtapta özender men taulardyŋ, eldı mekenderınıŋ ataulary qaidan şyqqany turaly aitylady. Kıtapta jinalǧan materialdar jas ölketanuşylardyŋ zertteu jūmystaryna jaqsy serpın berer degen senımdemın.
Memleket basşysy atap ötkendei, öz tuǧan jerıŋnıŋ tarihy arqyly menıŋ jerlesterım jalpyrespublikalyq deŋgeidegı oqiǧalardy tereŋ zerdelei alady.
Osyǧan orai qoǧamdyq sana jaŋǧyruynyŋ tabysy ärbır qazaqstandyqqa bailanysty ekenın tüisıne bıluımız kerek. Sondyqtan «Ruhani Jaŋǧyru» – būl jeke joba emes, jyl saiyn jaŋa ideialarmen jäne jobalarmen tolyǧa tüsetın ūzaq merzımdı baǧdarlama.
– Äŋgımeŋızge raqmet!
inform.kz